गौतम अदानींचा दे धक्का! अति श्रीमंतांच्या यादीत फक्त एकमेव ज्यांची संपत्ती...

नवी दिल्ली: जगातील अति श्रीमंत लोकांसाठी २०२२ हे वर्ष फार चांगले गेले नाही. ब्लूमबर्ग बिलेनियर्स इंडेक्सनुसार या वर्षी ६ महिन्यात जगातील सर्वाधिक ५०० अति श्रीमंत लोकांनी १.४ ट्रिलियन डॉलर म्हणजे ११० लाख कोटी रुपये गमावले आहेत. या काळात सर्वाधिक श्रीमंत असलेले टेस्लाचे मालक एलन मस्क यांनी ४.७३ लाख कोटी रुपये गमावले आहेत. तर दुसऱ्या क्रमांकाचे श्रीमंत ई-कॉमर्स कंपनीचे मालक जेफ बेजोस यांची संपत्ती ४.६८ लाख कोटींनी कमी झाली आहे.

एका बाजूला जगातील अति श्रीमंत लोकांच्या संपत्तीत मोठी घसरण होत असताना ५०० लोकांच्या यादीत अशी एक व्यक्ती आहे ज्याच्या संपत्तीत वाढ होत आहे. ही व्यक्ती अन्य कोणी नसून अदाणी ग्रुपचे मालक गौतम अदानी आहेत. जगातील श्रीमंतांच्या यादीत अदानी सहाव्या क्रमांकावर आहेत. या वर्षी त्यांची संपत्ती १.७६ लाख कोटी रुपयांनी वाढली आहे.

वाचा- चलनी नोटांबाबत 'RBI'चा मोठा निर्णय; फाटलेल्या नोटांची होणार फिटनेस टेस्ट

सर्वाधिक नुकसान कोणाचे

बायनेन्सचे संस्थापक आणि सीईओ चांगपेंग झाओ यांना २०२२च्या सुरुवातीच्या ६ महिन्यात ६.२६ लाख कोटी रुपयांचे नुकसान झाले आहे. या यादीत दुसऱ्या क्रमांकावर मार्क झुकरबर्ग आहेत. या वर्षात त्यांची संपत्ती ५.२० लाख कोटींनी कमी झाली असून त्यांच्याकडे आता ४.७१ लाख कोटी रुपये आहेत. मार्क यांच्या संपत्तीत जवळ जवळ निम्याहून अधिक घसरण झाली आहे.

वाचा- हॉटेलमध्ये सेवाशुल्क वसुली; ग्राहकांनो १९१५ या क्रमांकावर थेट तक्रार करा, होणार कारवाई

भारतातील सर्वाधिक श्रीमंत व्यक्ती मुकेश अंबानी यांच्या संपत्तीत २८.८९ हजार कोटी इतकी घसरण झाली आहे. या घसरणीनंतर त्यांची एकूण संपत्ती ५.०८ लाख कोटी रुपये इतकी राहिली आहे. अंबानी जगातील ११वे सर्वात श्रीमंत व्यक्ती आहेत.

जगातील आघाडीचे श्रीमंत आणि त्यांच्या संपत्ती झालेली घसरण

एलन मस्क- ४.७३ लाख कोटींची घसरण
जेफ बेजोस- ४.६८ लाख कोटींची घसरण
बर्नार्ड अर्नाल्ट- ३.९८ लाख कोटींची घसरण
बिल गेट्स- १.८१ लाख कोटींची घसरण
लॅरी पेज- २.३१ लाख कोटींची घसरण
गौतम अदानी- १.७६ लाख कोटींची वाढ
वॉरेन बफेट- ९८.६९ हजार कोटींची घसरण
सर्जी ब्रिन- २.२४ लाख कोटींची घसरण
स्टीव्ह बामर- १.०८ लाख कोटींची घसरण
लॅरी एलिजन- १.५७ लाख कोटींची घसरण