टाइम्स वृत्त, नवी दिल्ली
रेल्वे आरक्षण व खानपान सेवा पुरवणाऱ्या आयआरसीटीसीने (इंडियन रेल्वे केटरिंग अँड टूरिझम कॉर्पोरेशन) विमानप्रवाशांना आगळीवेगळी सुविधा देऊ केली आहे. या सुविधेनुसार आयआरसीटीसीवरून विमान तिकिटाचे ई आरक्षण करणाऱ्या प्रवाशांना ५० लाख रुपयांचा प्रवास विमा विनामूल्य दिला जाणार आहे. ही सवलत फेब्रुवारीपासून अंमलात येणार आहे.
देशांतर्गत व आंतरराष्ट्रीय विमानसेवा तसेच, सर्व श्रेणीतील तिकिटांना ही सवलत लागू असेल, असे आयआरसीटीसीने म्हटले आहे. यामुळे विमान अपघातात दुर्दैवाने मृत्युमुखी पडलेल्या प्रवाशांच्या कुटुंबीयांना भरीव आर्थिक मदत मिळू शकेल. आयआरसीटीसीकडून सद्यस्थितीत अनेक सुविधा देण्यात येत असून या माध्यमातून केलेले आरक्षणही फायदेशीर ठरते. आयआरसीटीसीच्या साइटवरून विमान तिकिटाचे आरक्षण केल्यास प्रतितिकीट ५० रुपये प्रक्रिया शुल्क आकारले जाते. तसेच, हे तिकीट रद्द केल्यास कोणत्याही प्रकारचा दंड आकारला जात नाही. अन्य ट्रॅव्हल पोर्टलवरून विमान तिकिटांचे आरक्षण केल्यास दोनशे रुपयांपर्यंतचे शुल्क घेतले जाते. तसेच, तिकीट रद्द केल्यास विशिष्ट दंडही आकारला जातो. यामुळे आरआरसीटीसीच्या पोर्टलला वाढता प्रतिसाद असून सध्या दररोज पाच ते सहा हजार विमान तिकिटे या माध्यमातून आरक्षित केली जात आहेत.
रेल्वे आरक्षण व खानपान सेवा पुरवणाऱ्या आयआरसीटीसीने (इंडियन रेल्वे केटरिंग अँड टूरिझम कॉर्पोरेशन) विमानप्रवाशांना आगळीवेगळी सुविधा देऊ केली आहे. या सुविधेनुसार आयआरसीटीसीवरून विमान तिकिटाचे ई आरक्षण करणाऱ्या प्रवाशांना ५० लाख रुपयांचा प्रवास विमा विनामूल्य दिला जाणार आहे. ही सवलत फेब्रुवारीपासून अंमलात येणार आहे.
देशांतर्गत व आंतरराष्ट्रीय विमानसेवा तसेच, सर्व श्रेणीतील तिकिटांना ही सवलत लागू असेल, असे आयआरसीटीसीने म्हटले आहे. यामुळे विमान अपघातात दुर्दैवाने मृत्युमुखी पडलेल्या प्रवाशांच्या कुटुंबीयांना भरीव आर्थिक मदत मिळू शकेल. आयआरसीटीसीकडून सद्यस्थितीत अनेक सुविधा देण्यात येत असून या माध्यमातून केलेले आरक्षणही फायदेशीर ठरते. आयआरसीटीसीच्या साइटवरून विमान तिकिटाचे आरक्षण केल्यास प्रतितिकीट ५० रुपये प्रक्रिया शुल्क आकारले जाते. तसेच, हे तिकीट रद्द केल्यास कोणत्याही प्रकारचा दंड आकारला जात नाही. अन्य ट्रॅव्हल पोर्टलवरून विमान तिकिटांचे आरक्षण केल्यास दोनशे रुपयांपर्यंतचे शुल्क घेतले जाते. तसेच, तिकीट रद्द केल्यास विशिष्ट दंडही आकारला जातो. यामुळे आरआरसीटीसीच्या पोर्टलला वाढता प्रतिसाद असून सध्या दररोज पाच ते सहा हजार विमान तिकिटे या माध्यमातून आरक्षित केली जात आहेत.