नवी दिल्ली ः देशाच्या शहरी भागांतील ९८.८ टक्के मुले इंटरनेटचा सर्रास वापर करीत असल्याचे एका अभ्यासात समोर आले आहे. त्यातील ५४.६ टक्के मुलांचे पासवर्ड अतिशय धोकादायक असून, त्यामुळे सायबर गुन्ह्यांना निमंत्रण मिळू शकते असेही अभ्यासात नमूद करण्यात आले आहे. टेलिनॉर इंडियातर्फे करण्यात आलेल्या अभ्यासात तेरा शहरांमधील २,७०० मुलांचा समावेश करण्यात आला होता. ५४.६ टक्के मुलांकडून वापरण्यात येणारे पासवर्ड धोकादायक असून, त्यामध्ये केवळ शब्दांचा अथवा अंकांचा समावेश करण्यात येतो. हे पासवर्ड आठ अक्षरांपेक्षाही कमी असल्याचे आढळून आले आहे. या शिवाय ५४.८२ टक्के मुले आपला पासवर्ड मित्र आणि नातेवाइकांशी शेअर करीत असल्याचेही समोर आले आहे. अहवालानुसार वय वर्षे ६ ते १८ दरम्यानची ८३.५ टक्के मुले सोशल मीडियावर सक्रिय आहेत.
शहरांतील ९९ टक्के मुले वापरतात इंटरनेट
देशाच्या शहरी भागांतील ९८.८ टक्के मुले इंटरनेटचा सर्रास वापर करीत असल्याचे एका अभ्यासात समोर आले आहे.
Maharashtra Times 6 May 2017, 4:30 am