‘मारुती’विरोधात निदर्शने होणार

मुंबई: मारुती सुझुकी कंपनीच्या व्यवस्थापनाने तसेच हरयाणा सरकारने कामगारांना संघटना बांधण्यास विरोध केल्याचे तीव्र पडसाद देशभर उमटत आहेत. कंपनी व्यवस्थापनाविरोधात आज, ५ एप्रिल रोजी देशभर निदर्शने करण्यात येणार आहेत. याविषयी महाराष्ट्र कामगार संघटना कृती समितीची बैठक नुकतीच येथे झाली. त्यामध्ये या देशव्यापी निदर्शनांना पाठिंबा देण्याचा निर्णय घेण्यात आला आहे.

या निदर्शनांच्या माध्यमातून विविध मागण्या लावून धरण्यात येणार आहेत. कामगारांना खोट्या प्रकरणांत अडकवून त्यांना तुरुंगवास देणे, समान कामासाठी समान वेतन न देणे यांविरोधात ही निदर्शने केली जातील. मुंबईत ही निदर्शने वांद्रे-कुर्ला संकुलातील कामगार भवन, माधव बिल्डिंग व मारुती सुझुकीच्या कार्यालयासमोर केली जातील, अशी माहिती कृती समितीने दिली आहे.