एअर इंडियामध्ये ना पदोन्नती, ना नव्याने भरती

नवी दिल्ली : पूर्णपणे निर्गुंतवणुकीच्या दिशेने निघालेल्या एअर इंडियाने अधिकाऱ्यांची पदभरती तसेच, विद्यमान अधिकाऱ्यांना पदोन्नती देणे थांबवले आहे. एका उच्चपदस्थ अधिकाऱ्याने ही माहिती दिली. एअर इंडियाचे चालू वर्षअखेरीपर्यंत १०० टक्के निर्गुंतवणुकीकरण करण्यात येणार असल्याने हा निर्णय घेण्यात आला आहे. या सरकारी

विमान कंपनीत सद्यस्थितीत १० हजार कायमस्वरूपी कर्मचारी आहेत. एअर इंडियावर किमान ५० हजार कोटी रुपयांचे कर्ज आहे. केंद्र सरकारने गेल्या वर्षी या कंपनीतील ७४ टक्के सरकारी भांडवल विकण्याचा प्रयत्न केला होता. मात्र त्यास एकाही कंपनीने प्रतिसाद दिला नव्हता.