एअर इंडियाला आयोगाची सूचना

नवी दिल्ली : एअर इंडियाने परदेशांतील मालमत्तांची व त्यापासूनच्या उत्पन्नाची माहिती उघड करावी, अशी सूचना केंद्रीय माहिती आयोगाने केली आहे. माहिती अधिकार कार्यकर्ते असीम तकयार यांनी माहिती अधिकारांतर्गत ही माहिती मागितली होती. एअर इंडियाच्या परदेशांतील मालमत्ता, त्यांचे एकूण क्षेत्रफळ, त्यांतून होणारे उत्पन्न आदी माहिती त्यांनी मागितली होती. माहिती अधिकाराच्या तरतुदीनुसार ही माहिती न देण्याची मुभा आहे, असा पवित्रा एअर इंडियाने घेतला होता. मात्र माहिती आयोगाने हा दावा अमान्य करीत एअर इंडियाला ही माहिती उघड करण्याची सूचना केली.