अलाहाबाद, युको, बँक ऑफ इंडिया यांना रिझर्व्ह बँकेकडून दंड

वृत्तसंस्था, नवी दिल्ली काळा पैसा प्रतिबंधक नियमांचे उल्लंघन केल्याबद्दल रिझर्व्ह बँकेने सरकारी क्षेत्रातील अलाहाबाद बँक, युको बँक यांना प्रत्येकी दोन कोटी रुपयांचा व बँक ऑफ इंडियाला एक कोटी रुपयांचा दंड ठोठावला आहे. युको बँकेने मुंबई शेअर बाजाराला सादर केलेल्या माहितीत ही माहिती सादर केली आहे. बँक ऑफ इंडिया व अलाहाबाद बँक या शेअर बाजारांत नोंदणीकृत असलेल्या सरकारी क्षेत्रातील बँकांनीही याबाबतची माहिती सादर केली असून आपण असे नियमभंग होऊ नयेत म्हणून आवश्यक त्या उपाययोजना केल्या असल्याचे नमूद केले आहे.