अमूल, मदर डेअरीने दुधाचे भाव वाढवले, उद्यापासून लागू होणार नवे दर

मुंबई: महागाईची झळ सोसणाऱ्या सर्वसामान्य जनतेला आणखी एक झटका बसला आहे. अमूल आणि मदर डेअरीने दुधाच्या दरात वाढ करण्याचा निर्णय घेतला आहे. नवे दर उद्या म्हणजेच १७ ऑगस्टपासून लागू होतील.

अमूल आणि मदर डेअरीने याआधी मार्च महिन्यात देखील दरवाढ केली होती. या दोन्ही कंपन्यांनी आता २ रुपायंनी वाढ केली आहे. यामुळे उद्यापासून अमूल गोल्ड ५०० मिलीची किंमत ३१ रुपये, अमूल ताजा २५ रुपये, अमूल शक्तीची किंमत २८ इतकी होणार आहे. मदर डेअरीने फुल क्रीम दुधाच्या किंमतीत २ रुपयांनी वाढ केली असून आता ग्राहकांना ५९ ऐवजी ६१ रुपये द्यावे लागणार आहेत.

वाचा- कर्मचाऱ्यांसाठी वाईट बातमी; दिग्गज कंपनीने दिला इशारा, लवकरच होणार कर्मचारी कपात

ऑपरेशन कॉस्ट आणि मिल्क प्रोडक्शन कॉस्टमध्ये वाढ झाल्याने या किंमतीत वाढ केल्याचे म्हटले आहे. गेल्या वर्षाच्या तुलनेत जनावरांच्या चाऱ्याच्या किमतीत २० टक्क्यांनी वाढ झाली आहे. अमूल फेडरेशनने शेतकऱ्यांना दुध खरेदी मुल्यात ८-९ टक्क्यांनी वाढ केली आहे.

वाचा- तुम्ही होऊ शकता पुढचे राकेश झुनझुनवाला, हे आहेत गोल्डन टिप्स

एक मार्च रोजी वाढवण्यात आलेल्या किंमतीनुसार अमूल गोल्डच्या किमती ३० रुपये, अमूल ताजा २४ रुपये आणि अमूल शक्तीच्या किंमतीत २७ रुपये झाले होते. या वाढीसह MRP मध्ये ही ४ टक्क्यांची वाढ होते. मदर डेअरीने देखील बुधवारपासून दुधाच्या किंमतीत वाढ करण्याचे ठरवले आहे. टोंडा दुधची किंमत वाढून ५१ तर डबल टोंडा दुधाची किंमत ४५ रुपये लिटर इतकी होईल.