टाइम्स वृत्त, मुंबई
कंपनीवरील कर्ज कमी करण्याच्या उद्देशाने अनिल अंबानी प्रवर्तित रिलायन्स समूहाने विविध प्रकारच्या मालमत्ता विकण्याचा निर्णय घेतला आहे. यातून २१,७०० कोटी रुपयांचा निधी उभारला जाईल, अशी या कंपनीला आशा आहे. विकण्यात येणाऱ्या मालमत्तांमध्ये रिलायन्स इन्फ्रास्ट्रक्चर, रिलायन्स कॅपिटल, रेडिओ केंद्र यातील गुंतवणुकीचा समावेश आहे. तसेच, काही आस्थापनांमध्ये केलेली आर्थिक गुंतवणूकही कमी करण्यात येणार आहे.
अनिल अंबानी यांनी गेल्या १४ महिन्यांत ३५ हजार कोटी रुपयांचे थकीत कर्ज फेडले आहे. यानंतरही या समूहावर ९३,९०० कोटी रुपयांचे कर्ज बाकी आहे. शिवाय, रिलायन्स कम्युनिकेशन्सचा यामध्ये समावेश नाही. रिलायन्स कम्युनिकेशन्सवर नुकतीच दिवाळखोरीची प्रक्रिया सुरू झाली आहे.
कर्जाचा हा भार कमी करण्यासाठी शक्य त्या सर्व मालमत्ता विकण्याचा पर्याय या कंपनीने स्वीकारला आहे. यातून रिलायन्स इन्फ्राला मिळालेली ९ हजार कोटी रुपयांची रस्तेबांधणीची कंत्राटेही विकली जाणार आहेत. रेडिओ केंद्राच्या विक्रीतून १,२०० कोटी रुपये उभारण्याचा रिलायन्स कॅपिटलचा प्रयत्न आहे. तर, आर्थिक सेवा कंपन्यांत गुंतवलेल्या निधीपैकी काही हिस्सा काढून घेऊन ११,५०० कोटी रुपये जमा होतील, असा या कंपनीचा अंदाज आहे.
मार्चचे लक्ष्य
कंपनीवरील सर्व कर्ज मार्च २०२०पर्यंत फेडण्याचे लक्ष्य कंपनीने आखले आहे, अशी माहिती या कंपनीच्या प्रवक्त्याने दिली. आतापर्यंत ४५ टक्के कर्ज फेडल्याचा दावाही त्यांनी केला. दुसरीकडे, अनिल अंबानी यांनी मालमत्ताविक्रीचा निर्णय उशिरा घेतल्याचे आदित्य कन्सल्टिंगचे मॅथ्यू अँटोनी यांनी सांगितले. मालमत्ताविक्रीच्या विलंबाने घेतलेल्या निर्णयामुळे या समूहासाठी आता धोक्याची घंटा वाजू लागली आहे, असे ते म्हणाले. दिवाळखोरीतील कंपन्यांना निधी उभारणीसाठी आदित्य कन्सल्टिंग सल्ला देते.
अनिल अंबानी यांच्या कंपनीवरील कर्ज - ३८,९०० कोटी
रिलायन्स कॅपिटल - १७,८०० कोटी
रिलायन्स इन्फ्रा - ७,००० कोटी
रिलायन्स नोव्हल - ३,००० कोटी
रिलायन्स पॉवर - (दिवाळखोरीची प्रक्रिया सुरू असलेल्या रिलायन्स कम्युनिकेशन्सवर ३५,६०० कोटी रुपयांचे कर्ज आहे.)
(स्रोत- ब्लूमबर्ग)
कंपनीवरील कर्ज कमी करण्याच्या उद्देशाने अनिल अंबानी प्रवर्तित रिलायन्स समूहाने विविध प्रकारच्या मालमत्ता विकण्याचा निर्णय घेतला आहे. यातून २१,७०० कोटी रुपयांचा निधी उभारला जाईल, अशी या कंपनीला आशा आहे. विकण्यात येणाऱ्या मालमत्तांमध्ये रिलायन्स इन्फ्रास्ट्रक्चर, रिलायन्स कॅपिटल, रेडिओ केंद्र यातील गुंतवणुकीचा समावेश आहे. तसेच, काही आस्थापनांमध्ये केलेली आर्थिक गुंतवणूकही कमी करण्यात येणार आहे.
अनिल अंबानी यांनी गेल्या १४ महिन्यांत ३५ हजार कोटी रुपयांचे थकीत कर्ज फेडले आहे. यानंतरही या समूहावर ९३,९०० कोटी रुपयांचे कर्ज बाकी आहे. शिवाय, रिलायन्स कम्युनिकेशन्सचा यामध्ये समावेश नाही. रिलायन्स कम्युनिकेशन्सवर नुकतीच दिवाळखोरीची प्रक्रिया सुरू झाली आहे.
कर्जाचा हा भार कमी करण्यासाठी शक्य त्या सर्व मालमत्ता विकण्याचा पर्याय या कंपनीने स्वीकारला आहे. यातून रिलायन्स इन्फ्राला मिळालेली ९ हजार कोटी रुपयांची रस्तेबांधणीची कंत्राटेही विकली जाणार आहेत. रेडिओ केंद्राच्या विक्रीतून १,२०० कोटी रुपये उभारण्याचा रिलायन्स कॅपिटलचा प्रयत्न आहे. तर, आर्थिक सेवा कंपन्यांत गुंतवलेल्या निधीपैकी काही हिस्सा काढून घेऊन ११,५०० कोटी रुपये जमा होतील, असा या कंपनीचा अंदाज आहे.
मार्चचे लक्ष्य
कंपनीवरील सर्व कर्ज मार्च २०२०पर्यंत फेडण्याचे लक्ष्य कंपनीने आखले आहे, अशी माहिती या कंपनीच्या प्रवक्त्याने दिली. आतापर्यंत ४५ टक्के कर्ज फेडल्याचा दावाही त्यांनी केला. दुसरीकडे, अनिल अंबानी यांनी मालमत्ताविक्रीचा निर्णय उशिरा घेतल्याचे आदित्य कन्सल्टिंगचे मॅथ्यू अँटोनी यांनी सांगितले. मालमत्ताविक्रीच्या विलंबाने घेतलेल्या निर्णयामुळे या समूहासाठी आता धोक्याची घंटा वाजू लागली आहे, असे ते म्हणाले. दिवाळखोरीतील कंपन्यांना निधी उभारणीसाठी आदित्य कन्सल्टिंग सल्ला देते.
अनिल अंबानी यांच्या कंपनीवरील कर्ज - ३८,९०० कोटी
रिलायन्स कॅपिटल - १७,८०० कोटी
रिलायन्स इन्फ्रा - ७,००० कोटी
रिलायन्स नोव्हल - ३,००० कोटी
रिलायन्स पॉवर - (दिवाळखोरीची प्रक्रिया सुरू असलेल्या रिलायन्स कम्युनिकेशन्सवर ३५,६०० कोटी रुपयांचे कर्ज आहे.)
(स्रोत- ब्लूमबर्ग)