बॅगेज शुल्काचा निर्णय राखून ठेवला

नवी दिल्ली ः विमानतळावर निःशुल्क सामानाव्यतिरिक्त अतिरिक्त सामान असल्यास त्यासाठी प्रति किलो १०० रुपये शुल्क आकारणीचा नागरी हवाई वाहतूक महासंचालनालयाने (डीजीसीए) दिलेला आदेश दिल्ली उच्च न्यायालयाने राखून ठेवला आहे.

विमानतळावर १५ किलोपर्यंतचे सामान निःशुल्क नेता येत आहे. त्यापुढील पाच किलो सामानासाठी प्रतिकिलो १०० रुपये शुल्क आकारण्याचा निर्णय डीजीसीएने घेतला होता. यासाठी डीजीसीएने १० जून रोजी अधिसूचना जारी केली होती. त्यानुसार या शुल्काची अंमलबजावणी १ जुलैपासून सुरूही जाली होती. यापूर्वी हे शुल्क २२० ते ३५० रुपये होते. परंतु या शुल्काला आक्षेप घेत न्यायाधीश विभू बखरू यांनी डीजीसीएचा निर्णय राखून ठेवला.