वृत्तसंस्था, नवी दिल्ली
सार्वजनिक क्षेत्रातील दुसऱ्या क्रमांकाच्या बँक ऑफ बडोदाने कार्यक्षमता वाढविण्यासाठी देशातील ८०० ते ९०० शाखा बंद करण्याचा किंवा अन्य शाखांमध्ये सामावून घेण्याचे ठरवले आहे. हा निर्णय देना आणि विजया बँकेच्या विलीनीकरणानंतर घेण्यात आला आहे. एक एप्रिलला या दोन्ही बँकांचे बँक ऑफ बडोदामध्ये विलीनीकरण करण्यात आले.
बँक ऑफ बडोदाच्या एका वरिष्ठ अधिकाऱ्याने दिलेल्या माहितीनुसार देना आणि विजया बँकेच्या विलीनीकरणानंतर एकाच ठिकाणी दोन्ही बँकांच्या शाखा चालविण्यात येत होत्या. खरे पाहता त्याची काही आवश्यकता नव्हती. अनेक ठिकाणी तर तिन्ही बँकांच्या शाखा एकाच इमारतीमध्ये चालत असल्याचे आढळून आले. त्यामुळे या अतिरिक्त शाखा बंद करण्याचा किंवा अन्य शाखांमध्ये सामावून घेण्याचा निर्णय घेण्यात आला आहे. या पार्श्वभूमीवर एप्रिलापासूनच बँकेच्या शाखांचा आढावा घेण्यात येत असल्याचेही या अधिकाऱ्याने स्पष्ट केले. त्यानुसार काही शाखांचे अन्यत्र स्थलांतर किंवा काही शाखा कायमस्वरूपी बंद करण्यात येणार आहेत.
संबंधित अधिकाऱ्याने दिलेल्या माहितीनुसार तिन्ही बँकांची प्रादेशिक आणि क्षेत्रीय कार्यालये एकाच ठिकाणी कार्यरत असल्याचेही आढळून आसे आहे. विलीनीकरणानंतर तिन्ही बँकांच्या या कार्यालयांची आजिबात आवश्यकता नसल्याचे समोर आले आहे. अधिकाऱ्याच्या मते बँकेची देशाच्या दक्षिण, पश्चिम आणि उत्तर भागात स्थिती मजबूत आहे. त्यामुळे आता देशाच्या पूर्व भागात विस्तार करण्याची योजना आखण्यात आली आहे.
दुसऱ्या क्रमांकाची बँक
बँक ऑफ बडोदा ही सार्वजनिक क्षेत्रातील दुसरी मोठी बँक असून देशभरात तिच्या ९,५०० शाखा आहेत. या बँकेची एकूण कर्मचारीसंख्या ८५ हजार असून ग्राहकसंख्या १२ कोटी आहे.
सार्वजनिक क्षेत्रातील दुसऱ्या क्रमांकाच्या बँक ऑफ बडोदाने कार्यक्षमता वाढविण्यासाठी देशातील ८०० ते ९०० शाखा बंद करण्याचा किंवा अन्य शाखांमध्ये सामावून घेण्याचे ठरवले आहे. हा निर्णय देना आणि विजया बँकेच्या विलीनीकरणानंतर घेण्यात आला आहे. एक एप्रिलला या दोन्ही बँकांचे बँक ऑफ बडोदामध्ये विलीनीकरण करण्यात आले.
बँक ऑफ बडोदाच्या एका वरिष्ठ अधिकाऱ्याने दिलेल्या माहितीनुसार देना आणि विजया बँकेच्या विलीनीकरणानंतर एकाच ठिकाणी दोन्ही बँकांच्या शाखा चालविण्यात येत होत्या. खरे पाहता त्याची काही आवश्यकता नव्हती. अनेक ठिकाणी तर तिन्ही बँकांच्या शाखा एकाच इमारतीमध्ये चालत असल्याचे आढळून आले. त्यामुळे या अतिरिक्त शाखा बंद करण्याचा किंवा अन्य शाखांमध्ये सामावून घेण्याचा निर्णय घेण्यात आला आहे. या पार्श्वभूमीवर एप्रिलापासूनच बँकेच्या शाखांचा आढावा घेण्यात येत असल्याचेही या अधिकाऱ्याने स्पष्ट केले. त्यानुसार काही शाखांचे अन्यत्र स्थलांतर किंवा काही शाखा कायमस्वरूपी बंद करण्यात येणार आहेत.
संबंधित अधिकाऱ्याने दिलेल्या माहितीनुसार तिन्ही बँकांची प्रादेशिक आणि क्षेत्रीय कार्यालये एकाच ठिकाणी कार्यरत असल्याचेही आढळून आसे आहे. विलीनीकरणानंतर तिन्ही बँकांच्या या कार्यालयांची आजिबात आवश्यकता नसल्याचे समोर आले आहे. अधिकाऱ्याच्या मते बँकेची देशाच्या दक्षिण, पश्चिम आणि उत्तर भागात स्थिती मजबूत आहे. त्यामुळे आता देशाच्या पूर्व भागात विस्तार करण्याची योजना आखण्यात आली आहे.
दुसऱ्या क्रमांकाची बँक
बँक ऑफ बडोदा ही सार्वजनिक क्षेत्रातील दुसरी मोठी बँक असून देशभरात तिच्या ९,५०० शाखा आहेत. या बँकेची एकूण कर्मचारीसंख्या ८५ हजार असून ग्राहकसंख्या १२ कोटी आहे.