सलग सुट्टी; उद्या, परवा बँका बंद

औरंगाबाद : आर्थिक वर्षअखेर आणि लगत आलेली सरकारी सुटी यामुळे बुधवार आणि गुरुवार अशा दोन दिवस बँका बंद राहणार आहेत. लॉकडाऊन मध्ये अत्यावश्यक सेवामध्ये समावेश असलेली बँक सेवा सुरू आहे. करोनाच्या पार्श्वभूमीवर खबरदारी म्हणून बँकांमध्ये विविध उपाययोजना केल्या गेल्या आहेत. पगारामुळे एप्रिलच्या पहिल्या आठवड्यात गर्दी होण्याची शक्यता आहे. त्याबाबतही बँकांनी ग्राहकांना सूचना केल्या आहेत.

EMI: बँकांच्या 'एसएमएस'मुळं कर्जदार संभ्रमात

या दरम्यान एक एप्रिल क्लोजिंग आणि दोन एप्रिल रोजी राम नवमी आहे. त्यामुळे दोन दिवस बँका बंद राहणार आहेत. आर्थिक वर्षअखेर असल्याने बँक कर्मचारी ताळेबंदामध्ये व्यस्त असतात. त्यामुळे एक एप्रिल रोजी बँकेत व्यवहार होत नाहीत. तर गुरुवारी २ एप्रिल रोजी राम नवमी असून त्याची सार्वजनिक सुट्टी आहे.

घरपोच सेवेसाठी ई-कॉमर्स कंपन्या पुन्हा मैदानात

एप्रिलच्या पहिल्या आठवड्यात बँकांमध्ये कर्मचाऱ्यांचा पगार शासकीय अनुदान एकाच वेळी जमा होणार आहे त्यामुळे दोन दिवस बँका बंद असल्याकारणाने नागरिकांची गैरसोय होण्याची शक्यता आहे. सर्वाधिक फटका ग्रामीण भागातील नागरिकांना बसण्याची शक्यता आहे त्यासह एटीमएममध्ये पैशाचे कमी राहण्याची शक्यता आहे. औरंगाबादमध्ये विविध राष्ट्रीयकृत को-ऑपरेटिव सहकारी बँक शाखांची संख्या शंभरपेक्षा अधिक असून २८७ एटीएम आहेत. तर बँक बंद असल्याने नागरिकांनी बँकांमध्ये येवू नये असे आवाहन करण्यात आले आहे.
‘करोना’ फंडासाठी सरसावले उद्योगपती