भीम डाउनलोड दोन कोटी
संपूर्ण भारतीय बनावटीच्या भीम या डिजिटल पेमेंट अॅपला वाढती पसंती मिळत असून आतापर्यंत दोन कोटी लोकांनी हे अॅप डाउनलोड केले आहे.
Maharashtra Times 22 Apr 2017, 3:00 am
नवी दिल्ली ः संपूर्ण भारतीय बनावटीच्या भीम या डिजिटल पेमेंट अॅपला वाढती पसंती मिळत असून आतापर्यंत दोन कोटी लोकांनी हे अॅप डाउनलोड केले आहे. पंतप्रधान नरेंद्र मोदी यांनी ३० डिसेंबर २०१६रोजी या अॅपची सुरुवात केली होती. भीम अॅप यूपीआय व यूएसएसडी या प्रणालींच्या आधारे डिजिटल पेमेंट करणारे अॅप आहे.
व्होडाफोनची हिस्साविक्री
नवी दिल्ली ः आदित्य बिर्ला समूहाच्या आयडिया सेल्युलरबरोबर विलिनीकरण प्रक्रिया पूर्ण झाल्यानंतर ९.५ टक्के हिस्सा आयडिया सेल्युलरला विकण्याचे व्होडाफोनने मान्य केले आहे. ही हिस्साविक्री १३० रुपये प्रति समभाग या किमतीने होणार आहे. या विलिनीकरणामुळे देशातील सर्वात मोठ्या दूरसंचार कंपनीचा उदय होणार आहे. या दोन्ही कंपन्यांच्या एकत्रिकरणासाठी आदित्य बिर्ला समूहाने मुंबई शेअर बाजारात एक सर्वंकष योजना सादर केली आहे.
स्मार्टफोनचे वर्चस्व
मुंबई ः पुढील वर्षापर्यंत मोबाइल फोनच्या एकूण विक्रीमध्ये स्मार्टफोनचा वाटा ६२ टक्के असेल, असे निरीक्षण गार्टनर संस्थेने नोंदवले आहे. सरकार डिजिटल पेमेंटला चालना देत असल्यामुळे स्मार्टफोनची उपयुक्तता दिवसेंदिवस वाढत आहे. त्याचप्रमाणे फोरजी सेवाही देशभर झपाट्याने पसरत असल्यामुळे स्मार्टफोनला लोकांची पसंती मिळत आहे. स्मार्टफोनच्या वाढत्या मागणीमुळे भारत हा या प्रकारच्या हँडसेटची जगातील तिसरी सर्वात मोठी बाजारपेठ ठरला आहे. या बाजारपेठेत सॅमसंग व अॅपल यांचा वरचष्मा असल्याचेही गार्टनरचे निरीक्षण आहे.
व्होडाफोनची हिस्साविक्री
नवी दिल्ली ः आदित्य बिर्ला समूहाच्या आयडिया सेल्युलरबरोबर विलिनीकरण प्रक्रिया पूर्ण झाल्यानंतर ९.५ टक्के हिस्सा आयडिया सेल्युलरला विकण्याचे व्होडाफोनने मान्य केले आहे. ही हिस्साविक्री १३० रुपये प्रति समभाग या किमतीने होणार आहे. या विलिनीकरणामुळे देशातील सर्वात मोठ्या दूरसंचार कंपनीचा उदय होणार आहे. या दोन्ही कंपन्यांच्या एकत्रिकरणासाठी आदित्य बिर्ला समूहाने मुंबई शेअर बाजारात एक सर्वंकष योजना सादर केली आहे.
स्मार्टफोनचे वर्चस्व
मुंबई ः पुढील वर्षापर्यंत मोबाइल फोनच्या एकूण विक्रीमध्ये स्मार्टफोनचा वाटा ६२ टक्के असेल, असे निरीक्षण गार्टनर संस्थेने नोंदवले आहे. सरकार डिजिटल पेमेंटला चालना देत असल्यामुळे स्मार्टफोनची उपयुक्तता दिवसेंदिवस वाढत आहे. त्याचप्रमाणे फोरजी सेवाही देशभर झपाट्याने पसरत असल्यामुळे स्मार्टफोनला लोकांची पसंती मिळत आहे. स्मार्टफोनच्या वाढत्या मागणीमुळे भारत हा या प्रकारच्या हँडसेटची जगातील तिसरी सर्वात मोठी बाजारपेठ ठरला आहे. या बाजारपेठेत सॅमसंग व अॅपल यांचा वरचष्मा असल्याचेही गार्टनरचे निरीक्षण आहे.