क्रिकेटनंतर व्यवसायातही मोठा डाव, सचिन तेंडुलकरची कंपनी करणार ५००० कोटींची गुंतवणूक

क्रिकेटमधून निवृत्ती घोषित केल्यानंतर सचिन तेंडुलकर व्यवसायात देखील सक्रिय झाला आहे. विविध क्षेत्रातील कंपन्यांमध्ये त्याची गुंतवणूक असल्याच्या अनेक बातम्या माध्यमांसमोर असल्या आहेत. सचिन तेंडुलकरची गुंतवणूक असलेल्या समर्थित आरआरपी इलेक्ट्रॉनिक्स कंपनीने मंगळवारी महाराष्ट्रात सेमीकंडक्टर निर्मितीसाठी ५ हजार कोटी रुपयांची गुंतवणूक करणार असल्याची घोषणा केली आहे. सचिन तेंडुलकर कंपनीचा किती टक्के भागधारक आहे हे अद्याप कंपनीने स्पष्ट केले नाही.

मुंबईत उभारणार प्लांट

निवृत्त अणुभौतिकशास्त्रज्ञ अनिल काकोडकर आणि कंपनीचे संस्थापक, चेअरमन, प्रवर्तक आणि मुख्य कार्यकारी राजेंद्र चोडणकर यांच्या उपस्थितीत सचिन तेंडुलकरची गुंतवणूक असलेल्या या प्लांटचेनवी मुंबईतील २५,००० चौरस फुटांच्या जागेवर २३ मार्च रोजी अनावरण करण्यात आले आहे, असे कंपनीने अधिकृत निवेदनात म्हटले आहे. कंपनीने आपल्या निवेदनात म्हटले आहे की भाताचा विकासाच्या दृष्टीने हे एक पाउल आहे. आम्ही निर्धारित कार्ये करण्यास वचनबद्ध आहोत.

या प्लांटमधील सेमीकंडक्टराऑटोमोटिव्ह, पॉवर, इलेक्ट्रॉनिक्स आणि औद्योगिक बाजार यासारख्या क्षेत्रांना सेवा मिळेल. चोडणकर यांनी याला महाराष्ट्रातील आघाडीची सेमीकंडक्टर निर्मीतिचा प्लांट असेल आणि तेंडुलकर हे कंपनीतील "स्ट्रॅटेजिक गुंतवणूकदार" असल्याचे सांगितले.