बायो-मिथेनची बस विकसित

मुंबई : टाटा मोटर्सने पर्यावरणपूरक बायो-सीएनजी (बायो-मिथेन) बस विकसित केली आहे. पेट्रोलियम मंत्री धर्मेद्र प्रधान यांच्या उपस्थितीत नुकत्याच या बसचे अनावरण करण्यात आले. या कार्यक्रमाला केंद्रीय ऊर्जा आणि कोळसा मंत्री पियूष गोयल उपस्थित होते.

टाटा मोटर्सने एलसीव्ही, आयसीव्ही आणि एमसीव्ही बससाठी बायो-मिथेन इंजिन (५.७ एसजीआय आणि ३.८ एसजीआय) विकसित तसेच तयार केले आहे. या कार्यक्रमादरम्यान टाटा मोटर्सने ५.७ एसजीआय एनए बीएसआयव्ही आयओबीडी-२ युक्त बसेससह आपल्या टाटा एलपीओ १६१३ या प्रमुख मॉडेलसह तीन इंजिने सादरकेली. टाटा एलपीओ १६१३ हे इंजिन यापूर्वीच पीएमपीएमएल (पुणे महानगर परिवहन महामंडळ लिमिटेड) मध्ये कार्यरत झाले आहे.