खिशाला परवडणारी‘पारले’ची बिस्किटे महागणार

मुंबई ः सर्वांच्या खिशाला परवडणारी आणि वर्षानुवर्षे दर्जा राखूनदेखील अत्यंत स्वस्तात उपलब्ध होणारी पारले कंपनीची बिस्किटे नव्या वर्षापासून महागणार आहेत. ग्लुकोज, मारी आणि मिल्क बिस्किटे यांची किंमत चार ते पाच टक्के वाढणार आहे.

कंपनीचे उत्पादन कॅटॅगरी प्रमुख मयंक शहा यांनी यासंदर्भात सांगितले की, अद्याप नेमकी किती किंमत वाढवली जाईल, याचा निर्णय घेण्यात आलेला नाही. परंतु कर वाढल्यामुळे नजीकच्या काळात भाववाढ करावी लागणार आहे. अशी भाववाढ करताना ती किलोमागे १०० रुपयांपेक्षाही कमी असणार आहे.