नवी दिल्ली:
गेल्या काही दिवसांपासून गाजत असलेला 'उरी' चित्रपटातील 'हाउज द जोश' हा डायलॉग आज अर्थसंकल्पीय भाषणादरम्यान संसदेतही गुंजला. प्रभारी अर्थमंत्री पीयूष गोयल यांनी केलेल्या शेतकरी, कामगार व मध्यमवर्गीयांच्या हिताच्या प्रत्येक घोषणेचं स्वागत करताना भाजप खासदारांनी विरोधकांना टोले हाणले. 'हाउज द जोश' हा 'उरी'तील डायलॉगही काही खासदारांनी विरोधकांकडं पाहून मारला.
केंद्रीय अर्थमंत्री अरुण जेटली यांच्या अनुपस्थितीत प्रभारी अर्थमंत्री पीयूष गोयल यांनी आज सरकारचा शेवटचा अर्थसंकल्प सादर केला. त्यांच्या भाषणाला सुरुवात होताच विरोधी बाकांवरील सदस्यांनी गोंधळ घालण्यास सुरुवात केली. त्याचवेळी, सत्ताधारी बाकांवरून खुद्द पंतप्रधान मोदी यांनी बाक वाजवून अर्थमंत्र्यांना प्रोत्साहन दिलं. त्यानंतर गोयल यांनी आपल्या भाषणात शेतकरी, कामगार, नोकरदार यांच्यासाठी एकामागोमाग एक घोषणा करण्यास सुरुवात केली. गोयल यांच्या प्रत्येक घोषणेचं कौतुक करत मोदी बाक वाजवत होते.
अर्थमंत्री सवलतींचा वर्षाव करणाऱ्या घोषणा करत असताना विरोधी बाकांवर शांतता होती. मात्र, पंतप्रधान बाक वाजवत होते. त्यांचा हा मूड पाहून सत्ताधारी खासदारही जोशमध्ये आले. त्यांनीही बाके वाजवून घोषणाबाजी सुरू केली. तसंच, विरोधकांकडं पाहून 'हाउज द जोश' अशी विचारणाही केली. यावेळी सभागृहाचा माहौलच बदलून गेला होता.
गेल्या काही दिवसांपासून गाजत असलेला 'उरी' चित्रपटातील 'हाउज द जोश' हा डायलॉग आज अर्थसंकल्पीय भाषणादरम्यान संसदेतही गुंजला. प्रभारी अर्थमंत्री पीयूष गोयल यांनी केलेल्या शेतकरी, कामगार व मध्यमवर्गीयांच्या हिताच्या प्रत्येक घोषणेचं स्वागत करताना भाजप खासदारांनी विरोधकांना टोले हाणले. 'हाउज द जोश' हा 'उरी'तील डायलॉगही काही खासदारांनी विरोधकांकडं पाहून मारला.
केंद्रीय अर्थमंत्री अरुण जेटली यांच्या अनुपस्थितीत प्रभारी अर्थमंत्री पीयूष गोयल यांनी आज सरकारचा शेवटचा अर्थसंकल्प सादर केला. त्यांच्या भाषणाला सुरुवात होताच विरोधी बाकांवरील सदस्यांनी गोंधळ घालण्यास सुरुवात केली. त्याचवेळी, सत्ताधारी बाकांवरून खुद्द पंतप्रधान मोदी यांनी बाक वाजवून अर्थमंत्र्यांना प्रोत्साहन दिलं. त्यानंतर गोयल यांनी आपल्या भाषणात शेतकरी, कामगार, नोकरदार यांच्यासाठी एकामागोमाग एक घोषणा करण्यास सुरुवात केली. गोयल यांच्या प्रत्येक घोषणेचं कौतुक करत मोदी बाक वाजवत होते.
अर्थमंत्री सवलतींचा वर्षाव करणाऱ्या घोषणा करत असताना विरोधी बाकांवर शांतता होती. मात्र, पंतप्रधान बाक वाजवत होते. त्यांचा हा मूड पाहून सत्ताधारी खासदारही जोशमध्ये आले. त्यांनीही बाके वाजवून घोषणाबाजी सुरू केली. तसंच, विरोधकांकडं पाहून 'हाउज द जोश' अशी विचारणाही केली. यावेळी सभागृहाचा माहौलच बदलून गेला होता.