प्रतिनिधी, मुंबई
यशस्वी व्यवसायासाठी ब्रॅण्ड फार महत्त्वाचा असतो, असे प्रतिपादन दुबई येथील अल आदिल ट्रेडिंग कंपनीचे अध्यक्ष आणि व्यवस्थापकीय संचालक मसाला किंग डॉ. धनंजय दातार यांनी येथे केले. जागतिक व्यापारक्षेत्रातील उल्लेखनीय कामगिरीबद्दल डॉ. धनंजय दातार आणि वंदना दातार या मराठी दाम्पत्याला "आंतरराष्ट्रीय लोकप्रिय ब्रॅण्ड २०१९" या बहुमानाने नुकतेच गौरवण्यात आले. बॉम्बे स्टॉक एक्स्चेंजमध्ये झालेल्या या कार्यक्रमात बीएसईचे व्यवस्थापकीय संचालक व सीईओआशीषकुमार चौहान यांच्या हस्ते हा पुरस्कार देण्यात आला.
यावेळी बीएसईचे व्यवस्थापकीय संचालक आणि सीईओ अमित बागवे आणि रचना बागवे, संस्थापक अर्थसंकेत आणि महाब्रॅण्डचे तुषार भगत, महेश कारंडे यांच्यासह शंकर जाधव, एमडी बीएसई इनव्हेस्टमेंट आणि बाळासाहेब कांबळे, अध्यक्ष लालबागचा राजा गणेशोत्सव मंडळ, द हॉल महाराष्ट्र ब्रॅण्ड आदींच्या उपस्थितीत हा कार्यक्रम संपन्न झाला.
डॉ. दातार यांनी मसाला किंग बनण्याच्या आपल्या प्रवासाविषयी अनुभव कथन केले. त्यांनी ब्रॅण्डिंगचे महत्त्व आणि आजच्या जगामध्ये ब्रॅण्ड तयार करणे आवश्यक असल्याचे नमूद केले. आजच्या तरुण पिढीचा ब्रॅण्डेड उत्पादनांच्या खरेदीकडे कल असतो. उत्पादन आणि सेवांमध्ये दर्जा व मूल्यास महत्त्व असून मोठा ब्रॅण्ड निर्माण करण्यासाठी चांगले सादरीकरण असणे गरजेचे आहे. उद्योजकांनी केवळ आर्थिक कमाई न करता आयुष्यातील प्रत्येक क्षणाचा आनंद घेणेही आवश्यक आहे, असे ते म्हणाले. यावेळी डॉ दातार यांनी अमित बागवे आणि रचना बगवे यांचे आभार मानले. माझ्या मातृभूमीतून आंतरराष्ट्रीय महाब्रॅण्ड म्हणून मिळालेला हा पुरस्कार हा माझ्यासाठी अमूल्य आहे असे सांगत त्यांनी त्यांच्या जीवनसाथी आणि व्यावसायिक भागीदार वंदना यांचेदेखील आभार मानले. मराठी उद्योग जगतातील मान्यवरांच्या उपस्थितीत हा पुरस्कार वितरण सोहळा पार पडला. अर्थसंकेत या संस्थेतर्फे देण्यात येणाऱ्या या पुरस्काराचे हे भारतातील तिसरे वर्ष होते.
यशस्वी व्यवसायासाठी ब्रॅण्ड फार महत्त्वाचा असतो, असे प्रतिपादन दुबई येथील अल आदिल ट्रेडिंग कंपनीचे अध्यक्ष आणि व्यवस्थापकीय संचालक मसाला किंग डॉ. धनंजय दातार यांनी येथे केले. जागतिक व्यापारक्षेत्रातील उल्लेखनीय कामगिरीबद्दल डॉ. धनंजय दातार आणि वंदना दातार या मराठी दाम्पत्याला "आंतरराष्ट्रीय लोकप्रिय ब्रॅण्ड २०१९" या बहुमानाने नुकतेच गौरवण्यात आले. बॉम्बे स्टॉक एक्स्चेंजमध्ये झालेल्या या कार्यक्रमात बीएसईचे व्यवस्थापकीय संचालक व सीईओआशीषकुमार चौहान यांच्या हस्ते हा पुरस्कार देण्यात आला.
यावेळी बीएसईचे व्यवस्थापकीय संचालक आणि सीईओ अमित बागवे आणि रचना बागवे, संस्थापक अर्थसंकेत आणि महाब्रॅण्डचे तुषार भगत, महेश कारंडे यांच्यासह शंकर जाधव, एमडी बीएसई इनव्हेस्टमेंट आणि बाळासाहेब कांबळे, अध्यक्ष लालबागचा राजा गणेशोत्सव मंडळ, द हॉल महाराष्ट्र ब्रॅण्ड आदींच्या उपस्थितीत हा कार्यक्रम संपन्न झाला.
डॉ. दातार यांनी मसाला किंग बनण्याच्या आपल्या प्रवासाविषयी अनुभव कथन केले. त्यांनी ब्रॅण्डिंगचे महत्त्व आणि आजच्या जगामध्ये ब्रॅण्ड तयार करणे आवश्यक असल्याचे नमूद केले. आजच्या तरुण पिढीचा ब्रॅण्डेड उत्पादनांच्या खरेदीकडे कल असतो. उत्पादन आणि सेवांमध्ये दर्जा व मूल्यास महत्त्व असून मोठा ब्रॅण्ड निर्माण करण्यासाठी चांगले सादरीकरण असणे गरजेचे आहे. उद्योजकांनी केवळ आर्थिक कमाई न करता आयुष्यातील प्रत्येक क्षणाचा आनंद घेणेही आवश्यक आहे, असे ते म्हणाले. यावेळी डॉ दातार यांनी अमित बागवे आणि रचना बगवे यांचे आभार मानले. माझ्या मातृभूमीतून आंतरराष्ट्रीय महाब्रॅण्ड म्हणून मिळालेला हा पुरस्कार हा माझ्यासाठी अमूल्य आहे असे सांगत त्यांनी त्यांच्या जीवनसाथी आणि व्यावसायिक भागीदार वंदना यांचेदेखील आभार मानले. मराठी उद्योग जगतातील मान्यवरांच्या उपस्थितीत हा पुरस्कार वितरण सोहळा पार पडला. अर्थसंकेत या संस्थेतर्फे देण्यात येणाऱ्या या पुरस्काराचे हे भारतातील तिसरे वर्ष होते.