बीएसएनएल मालमत्ता विकणार

नवी दिल्ली : बीएसएनएल या सरकारी दूरसंचार कंपनीकडून निधीउभारणीसाठी आपल्या मालकीच्या मालमत्ता विकण्याचा पर्याय चाचपून पाहिला जात आहे. या विक्रीतून चालू आर्थिक वर्षात तीनशे कोटी रुपयांचा निधी मिळेल, असा बीएसएनएलला विश्वास आहे. यासाठी सीबीएसई (केंद्रीय माध्यमिक शिक्षण मंडळ) व अन्य घटकांशी चर्चा सुरू आहे. याशिवाय बीएसएनएल सार्वभौम हमीरोखेही दाखल करण्याच्या तयारीत आहे. केंद्रीय अर्थ मंत्रालयाच्या मंजुरीनंतर हे रोखे पुढील महिन्यात बाजारात येतील, अशी शक्यता आहे.

केंद्र सरकारने आणलेल्या स्वेच्छानिवृत्ती योजनेमुळे बीएसएनएल व एमटीएनएलच्या वेतन देयकांत अनुक्रमे ५० व ७५ टक्क्यांची बचत होईल, असे एका अधिकाऱ्याने सांगितले.