Business Idea: ATM द्वारेही होऊ शकते मोठी कमाई, फक्त करावे लागणार हे काम

नवी दिल्ली: करोना संसर्गानंतर अनेकांची परिस्थिती बदलली आहे. अनेकांच्या नोकऱ्या गेल्या तर काही अजूनही नोकरीसाठी धडपडत आहेत. कोविडनंतर घरून काम करण्याची संस्कृतीही सुरु झाली आहे. घरबसल्या व्यवसाय करणेही सोपे झाले आहे. त्यामुळे जर तुम्हालाही घरी बसून भरपूर पैसे कमवायचे असतील तर तुमच्यासाठी चांगली संधी आहे. भारतीय स्टेट बँक (एसबीआय) आणि अनेक खाजगी बँका तुम्हाला संधी देऊ शकतात. जर तुमच्याकडे स्वतःची जमीन असेल तर तुम्ही एटीएम मशीन बसवून दर महिन्याला मोठी कमाई करू शकता. मात्र यासाठी तुम्हाला काही अटी पूर्ण कराव्या लागतील.

करोना काळात वाढली उत्पादनांची मागणी, महिन्याला होईल मोठी कमाई; वाचा व्यवसायाची सविस्तर माहिती
एटीएम नेहमी बँकेद्वारे स्थापित केले जात नाही तर अनेक प्रकरणांमध्ये, काही कंपन्या या बँकांसाठी कंत्राटदार म्हणून काम करताना एटीएम स्थापित करतात. एक सामान्य व्यक्ती देखील एटीएम कॉन्ट्रॅक्टर बनू शकते आणि दरमहा किमान ६० ते ७० हजार रुपये कमवू शकते. उल्लेखनीय म्हणजे, भारतीय स्टेट बँकेचा, देशातील सर्वात मोठी बँक, भारतात एटीएम स्थापित करण्यासाठी टाटा इंडिकॅश, मुथूट एटीएम आणि इंडिया वन एटीएम यांच्याशी करार आहे. तुम्ही एसबीआयच्या एटीएम फ्रँचायझीसाठी कंपन्यांच्या अधिकृत वेबसाइटवरून अर्ज करू शकता. पण सावधगिरी बाळगा आणि कंपनीच्या अधिकृत वेबसाइटद्वारेच अर्ज भरा कारण ATM फ्रँचायझीच्या नावाखाली ग्राहकांची दिशाभूल करून फसवणूक देखील केली जाते.

कमाईची भन्नाट कल्पना! वर्षभरात लाखो रुपये कमवाल, घराच्या छतापासून करू शकता सुरुवात
प्रक्रिया काय आहे?
एटीएम सुरु करण्यासाठी तुम्हाला प्रथम बँकेच्या शाखेत जावे लागेल आणि तेथे जाऊन संपूर्ण माहिती घ्यावी लागेल. जर तुम्ही त्या अटींची पूर्तता करू शकत नसाल, तर तुम्हाला ATM ची फ्रँचायझी देता येणार नाही. तर अटी पूर्ण केल्यानंतर तुम्ही अर्ज करू शकता. तुमच्या अर्जानंतर बँक पडताळणी करते आणि सत्यापन प्रक्रिया पूर्ण होताच, तुमच्या जागेवर एटीएम स्थापित केले जाईल.

४ लाख रुपयांमध्ये सुरु करा 'हा' व्यवसाय; अल्पावधीत कराल लाखोंची कमाई
कोणत्या गोष्टींची गरज

• तुमच्याकडे ५०-८० चौरस फूट जागा असावी.
• जागा निवासी नसून व्यावसायिक असावी.
• अर्ज करण्यापूर्वी त्या ठिकाणाजवळ त्या बँकेचे एटीएम आहे की नाही ते तपासा.
• जागा तळमजल्यावर आणि दृश्यमानता असावी.
• एटीएमच्या जागी काँक्रीटचे छत असावे.
• V-SAT स्थापित करण्यासाठी सोसायटी किंवा प्राधिकरणाकडून एनओसी आवश्यक असेल.
• २४ तास वीजपुरवठा असावा.

कोणत्या कागदपत्रांची आवश्यकता
जर तुम्ही सर्व अटी पूर्ण करत असाल आणि एसबीआयने पडताळणी पूर्ण केली असेल तर तुम्हाला काही आवश्यक कागदपत्रे बँकेकडे भरावी लागतील. या कागदपत्रांमध्ये आयडी प्रूफ, ॲड्रेस प्रूफ, बँक खाते आणि पासबुक, फोटो, ई-मेल आयडी, फोन नंबर, जीएसटी नंबर आणि आर्थिक कागदपत्रे इत्यादी मागवता येतील. याशिवाय परत करण्यायोग्य सुरक्षा किंवा इतर आवश्यक खर्च देखील भरावे लागतील. याबाबत बँकेकडून तुम्हाला आगाऊ (ॲडव्हान्स) माहिती दिली जाईल, ज्यानंतर तुम्ही तुमची जमीन एटीएमसाठी भाड्याने देऊ शकता.