कार्ड व्यवहार वाढले

मुंबई ः यावर्षी सप्टेंबर महिन्यात क्रेडिट व डेबिट कार्डांचे व्यवहार ८४ टक्के वाढले आहेत. या महिन्यात एकूण ७४ हजार ९० कोटी रुपयांचे व्यवहार कार्डंच्या साह्याने झाले आहेत. गेल्यावर्षी याच महिन्यात केवळ ४० हजार १३० कोटी रुपयांचे व्यवहार कार्डांच्या साह्याने झाले होते. युरोपीय पेमेंट्स सोल्युशन कंपनी असलेल्या वर्ल्डलाइन या संस्थेने भारताबाबत हे सर्वेक्षण केले होते. त्यातून हे तथ्य समोर आले आहे.

पॉइंट्स ऑफ सेलच्या (पॉस) साह्याने केल्या जाणाऱ्या कार्ड पेमेंट्समध्ये ८६ टक्के वाढ झाली असून सप्टेंबर महिन्यात ३७.८० कोटी रुपयांचे व्यवहार झाले आहे. गेल्यावर्षी याच काळात २०.३० कोटींचे व्यवहार झाले होते. यावर्षी सप्टेंबरमध्ये कार्डांची संख्या ८५.३० कोटी झाली. त्यामध्ये ३.३३ कोटी क्रेडिट कार्डे तर ८१.९३ कोटी डेबिट कार्डे आहेत.