पॅन-आधारकार्ड जोडणीला मुदतवाढ

नवी दिल्ली : पॅन क्रमांक व आधार क्रमांक परस्परांना अद्याप जोडले नसलेल्या नागरिकांना सरकारने दिलासा दिला आहे. ही जोडणी करण्याची अंतिम तारीख ३१ मार्च होती. ती वाढवून ३० जून करण्यात आली आहे.

सेंट्रल बोर्ड ऑफ डायरेक्ट टॅक्सेसने (सीबीडीटी) पॅनकार्ड आणि आधारकार्ड जोडणीची मुदत ३० जूनपर्यंत वाढवली आहे. आधार-पॅन जोडणीचा उपयोग प्राप्तिकर विवरणपत्र भरण्यासाठी होणार आहे. सरकारच्या विविध योजनांना आधार कार्ड लिंक करण्याची मुदत सुप्रीम कोर्टाने यापूर्वीच वाढवून दिली आहे.