मुंबई : व्हिडीओकॉन समूहाला नियमाबाह्य रीतीने कर्ज दिल्याप्रकरणी आयसीआयसीय बँकेच्या मुख्य कार्यकारी अधिकारी आणि व्यवस्थापकीय संचालिका चंदा कोचर यांना सेबीने नोटीस बजावली आहे. या नोटिशीला उत्तर देण्यास कोचर यांना सांगण्यात आले आहे.
कोचर यांचे पती दीपक कोचर यांच्याशी संबंधित न्यू पॉवर रीन्यूएबल्स या कंपनीत व्हिडीओकॉन समूहाचे अध्यक्ष वेणुगोपाल धूत यांनी ६४ कोटी रुपयांची गुंतवणूक केली. त्या बदल्यात आयसीआयसीआय बँकेने व्हिडीओकॉन समूहाला ३,२५० कोटी रुपयांचे कर्ज दिले, असा आरोप आहे. या प्रकरणी केंद्रीय अन्वेषण विभागाने प्राथमिक चौकशी सुरू केली असून, दीपक कोचर यांच्या भूमिकेचा तपास करण्यात येत आहे.
आयसीआयसीाय बँकेच्या संचालक मंडळाने गेल्याच महिन्यात कोचर यांच्यावर पूर्ण विश्वास व्यक्त केला आहे. तसेच, कोणत्याही प्रकारचा गैरप्रकार झाला नसल्याचा दावा बँक व्यवस्थापनाने केला आहे.