नीरव मोदीवर आरोपपत्र

वृत्तसंस्था, मुंबई

पंजाब नॅशनल बँकेत १३ हजारो कोटी रुपयांचा कर्जघोटाळा करून देशाबाहेर पलायन केलेला नीरव मोदी याच्याविरोधात सक्तवसुली संचालनालयाने (ईडी) गुरुवारी पहिले आरोपपत्र दाखल केले.

येथील एका विशेष न्यायालयात दाखल केलेल्या या आरोपपत्रात नीरववर सहा हजार ४९८ कोटी रुपयांच्या गैरव्यवहाराचा आरोप करण्यात आला आहे. बनावट कंपन्यांच्या माध्यमातून ही रक्कम मोदी आपले वडील दीपक मोदी यांच्या बेल्जियममधील कंपनीत वळवली, असे ईडीने म्हटले आहे. हे आरोपपत्र तब्बल १२ हजार पानी आहे.