जीएसटी जागृती

नवी दिल्लीः लोकांना जीएसटी कराविषयी नीट माहिती व्हावी, यासाठी केपीएमजी व फिक्की या संस्था एकत्र आल्या आहेत. या दोन्ही संस्था एकत्रित जीएसटी जागृती मोहिम देशभर राबवणार असून याची सुरुवात ३० सप्टेंबर रोजी मुंबईत होणार आहे.

यासाठी केपीएमजी इन इंडिया व फिक्की यांनी एक सामंजस्य करार केला आहे. या करारांतर्गत जीएसटी कायद्याची माहिती जागृती मोहिमेत वितरित करण्यात येणार आहे. या कायद्याचे परिणाम आणि सर्व क्षेत्रांसाठी असलेली आव्हाने यांचीही माहिती दिली जाणार आहे.

मुंबईत होणाऱ्या सुरुवातीच्या सत्रानंतर ६ ऑक्टोबर रोजी त्रिवेंद्रम, ७ ऑक्टोबर रोजी चेन्नई, १९ ऑक्टोबर रोजी कोची, २० ऑक्टोबर रोजी विशाखापट्टण तर २१ ऑक्टोबर रोजी हैदराबाद येथे ही मोहिम राबवली जाणार आहे.