‘जिओ’ला ग्राहकांची दुय्यम पसंती
मोठा गाजावाजा करून, अन्य स्पर्धक कंपन्यांना धक्यांवर धक्के देऊन दूरसंचार बाजारपेठेत पदार्पण करणाऱ्या ‘रिलायन्स जिओ’ला ग्राहकांनी दुय्यम प्राधान्य दिल्याचे समोर आले आहे.
Maharashtra Times 29 Sep 2016, 3:00 am
केवळ फोर जीची ‘क्रेझ’; ‘मेरिल लिंच’च्या सर्वेक्षणाचा निष्कर्ष
वृत्तसंस्था, नवी दिल्ली
मोठा गाजावाजा करून, अन्य स्पर्धक कंपन्यांना धक्यांवर धक्के देऊन दूरसंचार बाजारपेठेत पदार्पण करणाऱ्या ‘रिलायन्स जिओ’ला ग्राहकांनी दुय्यम प्राधान्य दिल्याचे समोर आले आहे. ‘जिओ’च्या आगमनामुळे दैनंदिन उपयोगासाठी अन्य कंपन्यांना असणारे प्राधान्य कमी न होता वाढल्याचे दिसून आले आहे. केवळ फोर जी सेवेच्या औत्सुक्यापोटी ग्राहकांमध्ये ‘जिओ’ची क्रेझ असल्याचेही दिसून आले आहे.
‘बँक ऑफ अमेरिका मेरिल लिंच’तर्फे नुकत्याच करण्यात आलेल्या एका सर्वेक्षणात वरील निरीक्षणे आढळून आली आहेत. ‘जिओ’चे नेटवर्किंग जाणून घेण्याच्या उद्देशाने केवळ २४ टक्के ग्राहकांनी प्रथम प्राधान्य दिल्याचे आढळून आले आहे. तर, ११ टक्के ग्राहकांनी इंटरनेटचा लाभ घेण्यासाठी ’जिओ’च्या ‘मायफाय’ किंवा डोंगलचा वापर केल्याचे दिसून आले आहे. सर्वेक्षणात सहभागी झालेल्या ९ टक्के जणांनी कोणत्याही परिस्थितीत ‘जिओ’चा वापर करणार नसल्याचे म्हटले आहे.
‘चोवीस टक्के सहभागींनी रिलायन्स जिओची सेवा पूर्ण क्षमतेने वापरणार असल्याचे म्हटले आहे. जिओकडे वळालेल्या ग्राहकांना आपल्याकडे आकर्षित करण्यासाठी अन्य कंपन्यांकडून मोठ्या प्रमाणात ऑफर आणि सवलतींचा वर्षाव करण्यात येत आहे. कंपन्यांच्या आपापसातील स्पर्धेमुळे ग्राहकांचाच फायदा होत आहे,’ असे ’मेरिल लिंच’च्या अहवालात नमूद करण्यात आले आहे. सध्या एअरटेलची सेवा घेणाऱ्या ग्राहकांपैकी केवळ २.६९ टक्के ग्राहकांनीच ‘जिओ’चे सिमकार्ड प्राधान्याने वापरण्याची तयारी सेवा वापरून पाहण्याची तयारी दर्शवली आहे. ‘जिओ’चा दर्जा उत्तम वाटल्यास एअरटेलच्या २१ टक्के ग्राहकांनी नव्या सेवेचा अवलंब करण्यास उत्सूक असल्याचे म्हटले आहे. रिलायन्स कम्युनिकेशन आणि एअरसेलच्या अनुक्रमे ३३ आणि २८ टक्के ग्राहकांनी ‘जिओ’ची सेवा वापरण्याची तयारी दाखवली आहे. या उलट एअरटेलच्या ९६ टक्के ग्राहकांनी आहे तीच सेवा समाधानकारक असल्याचे म्हटले आहे. एअरटेल, आयडिया आणि व्होडाफोनच्या अनुक्रमे १८, २९ आणि २६ टक्के ग्राहकांनी डेटाचा वेग खालावल्याची तक्रार नोंदवली.
बिल वाढले म्हणून ‘जिओ’
‘रिलायन्स जिओ’ची सेवा ५ सप्टेंबर रोजी सादर झाल्यानंतर ड्युअल सिम वापरणाऱ्या एक हजार मोबाइल ग्राहकांची मते विचारात घेऊन हे सर्वेक्षण पूर्ण करण्यात आले आहे. सहभागींपैकी ७५ टक्के जणांचे दरमहा बिल २५० रुपये किंवा त्यापेक्षा अधिक असल्याने त्यांचा कल ‘रिलायन्स जिओ’ची सेवा वापरण्याकडे असल्याचे दिसून आले आहे.
वृत्तसंस्था, नवी दिल्ली
मोठा गाजावाजा करून, अन्य स्पर्धक कंपन्यांना धक्यांवर धक्के देऊन दूरसंचार बाजारपेठेत पदार्पण करणाऱ्या ‘रिलायन्स जिओ’ला ग्राहकांनी दुय्यम प्राधान्य दिल्याचे समोर आले आहे. ‘जिओ’च्या आगमनामुळे दैनंदिन उपयोगासाठी अन्य कंपन्यांना असणारे प्राधान्य कमी न होता वाढल्याचे दिसून आले आहे. केवळ फोर जी सेवेच्या औत्सुक्यापोटी ग्राहकांमध्ये ‘जिओ’ची क्रेझ असल्याचेही दिसून आले आहे.
‘बँक ऑफ अमेरिका मेरिल लिंच’तर्फे नुकत्याच करण्यात आलेल्या एका सर्वेक्षणात वरील निरीक्षणे आढळून आली आहेत. ‘जिओ’चे नेटवर्किंग जाणून घेण्याच्या उद्देशाने केवळ २४ टक्के ग्राहकांनी प्रथम प्राधान्य दिल्याचे आढळून आले आहे. तर, ११ टक्के ग्राहकांनी इंटरनेटचा लाभ घेण्यासाठी ’जिओ’च्या ‘मायफाय’ किंवा डोंगलचा वापर केल्याचे दिसून आले आहे. सर्वेक्षणात सहभागी झालेल्या ९ टक्के जणांनी कोणत्याही परिस्थितीत ‘जिओ’चा वापर करणार नसल्याचे म्हटले आहे.
‘चोवीस टक्के सहभागींनी रिलायन्स जिओची सेवा पूर्ण क्षमतेने वापरणार असल्याचे म्हटले आहे. जिओकडे वळालेल्या ग्राहकांना आपल्याकडे आकर्षित करण्यासाठी अन्य कंपन्यांकडून मोठ्या प्रमाणात ऑफर आणि सवलतींचा वर्षाव करण्यात येत आहे. कंपन्यांच्या आपापसातील स्पर्धेमुळे ग्राहकांचाच फायदा होत आहे,’ असे ’मेरिल लिंच’च्या अहवालात नमूद करण्यात आले आहे. सध्या एअरटेलची सेवा घेणाऱ्या ग्राहकांपैकी केवळ २.६९ टक्के ग्राहकांनीच ‘जिओ’चे सिमकार्ड प्राधान्याने वापरण्याची तयारी सेवा वापरून पाहण्याची तयारी दर्शवली आहे. ‘जिओ’चा दर्जा उत्तम वाटल्यास एअरटेलच्या २१ टक्के ग्राहकांनी नव्या सेवेचा अवलंब करण्यास उत्सूक असल्याचे म्हटले आहे. रिलायन्स कम्युनिकेशन आणि एअरसेलच्या अनुक्रमे ३३ आणि २८ टक्के ग्राहकांनी ‘जिओ’ची सेवा वापरण्याची तयारी दाखवली आहे. या उलट एअरटेलच्या ९६ टक्के ग्राहकांनी आहे तीच सेवा समाधानकारक असल्याचे म्हटले आहे. एअरटेल, आयडिया आणि व्होडाफोनच्या अनुक्रमे १८, २९ आणि २६ टक्के ग्राहकांनी डेटाचा वेग खालावल्याची तक्रार नोंदवली.
बिल वाढले म्हणून ‘जिओ’
‘रिलायन्स जिओ’ची सेवा ५ सप्टेंबर रोजी सादर झाल्यानंतर ड्युअल सिम वापरणाऱ्या एक हजार मोबाइल ग्राहकांची मते विचारात घेऊन हे सर्वेक्षण पूर्ण करण्यात आले आहे. सहभागींपैकी ७५ टक्के जणांचे दरमहा बिल २५० रुपये किंवा त्यापेक्षा अधिक असल्याने त्यांचा कल ‘रिलायन्स जिओ’ची सेवा वापरण्याकडे असल्याचे दिसून आले आहे.