सायबर सुरक्षेवर प्रशिक्षण

मुंबई : माहिती-तंत्रज्ञान क्षेत्रातील अग्रेसर कॉम्पटियाने 'पेनटेस्ट प्लस' हा प्रशिक्षण व प्रमाणन उपक्रम सादर केला आहे. भारतातील व्यावसायिक सायबर सुरक्षा क्षेत्रात पेनिट्रेशन टेस्टर्सची वाढती मागणी लक्षात घेऊन हा अभ्यासक्रम घेण्यात येत आहे. जगातील सर्वोत्कृष्ट १० आयटीसुरक्षित राष्ट्रांपैकी एक राष्ट्र बनण्याची महत्त्वाकांक्षा भारताने बाळगली आहे. सायबर हल्ल्यांमुळे व्यापार आणि सार्वजनिक सेवांचे नुकसान होत आहे. वित्तीय तपशील व महत्त्वाची माहितीचोरी आणि गैरवापर कमी प्रमाणात करण्यासाठी या प्रशिक्षण उपक्रमात हे हल्ले कसे होतात, हल्ला झाल्यानंतर त्यातील असुरक्षितता ओळखून ती कशी नष्ट करावी यावर सहभागी उमेदवारांना मार्गदर्शन केले जाईल असे कॉम्पटिया इंडियाचे प्रादेशिक संचालक प्रदीप्तो चक्रवर्ती यांनी सांगितले.