नोटबंदीचा परिणाम नाही, औद्योगिक उत्पादन वाढले

मटा ऑनलाइन वृत्त । नवी दिल्ली

नोटबंदीमुळे देशाच्या आर्थिक विकासाला खीळ बसेल असे अनेकांनी केलेले दावे फोल ठरले आहेत. नोव्हेंबरमध्ये औद्योगिक उत्पादनात ५.७ टक्क्यांची वाढ झाली आहे. ऑक्टोबरमध्ये हेच औद्योगिक उत्पादन -१.९ टक्के होते. सरकारने आज यासंदर्भातील आकडेवारी जाहीर केली. याशिवाय महागाईच्या मुद्द्यावरही सरकारला दिलासा मिळाला आहे. डिसेंबरमध्ये महागाई दर ३.६३ टक्यांवरून घसरून ३.४१ टक्क्यांवर आला आहे.

महागाईच्या दरातील हा आतापर्यंतचा निचांक आहे. खाद्य पदार्थांच्या किंमतीतील घट यामागचं प्रमुख कारण आहे. महागाई दर ३.६३ टक्क्यांवरून वाढून ३.५७ टक्क्यांपर्यंत जाईल, असा अंदाज यापूर्वी अर्थतज्ज्ञांनी मांडला केला होता.

औद्योगिक उत्पादनातही मोठी वाढ दिसून आली आहे. औद्योगिक उत्पादन उणे २.४ टक्क्यांवरून थेट ५.५ टक्यांवर पोहोचले आहे. डाळींचे दर ०.२३ टक्क्याने घटले आहेत. दैनंदिन वापराच्या वस्तूंच्या मागणीत वाढ दिसून आली आहे. ही वाढ ०.२ वरून ९.८ टक्के इतकी झाली आहे. कपडे, बुट काही प्रमाणात स्वस्त झाले आहेत. पण पेट्रोलियम पदार्थांचे दर २.८० वरून वाढून ३.७७ टक्क्यांवर गेले आहेत.