विमान तिकिटात ३५ टक्क्यांपर्यंत डिस्काउंट ऑफर

नवी दिल्ली

विमान प्रवास करणाऱ्यांसाठी एक आनंदाची बातमी आहे. भारतीय ग्राहकांना आकर्षिक करण्यासाठी देसी आणि विदेशी विमान कंपन्यांनी तिकीट दर स्वस्त केले आहेत. काही विमान कंपन्यांनी ८९९ रुपयांपासून ते परदेशात जाण्यासाठी ३,३९९ रुपयांपर्यंत स्वस्त केले आहेत. ब्रिटिश एअरवेज कंपनीने जानेवारी सेल सुरू केला आहे. कतार विमान कंपनीने इकॉनॉमी आणि बिझनेस क्लासच्या तिकिटावर २५ ते ३५ टक्क्यांपर्यंत डिस्काउंट ऑफर दिली आहे.

कतार एअरवेज कंपनीने इकॉनॉमी आणि बिझनेस क्लास तिकिटात कपात केली असून तिकिटावर २५ ते ३५ टक्के डिस्काउंट ऑफर दिली आहे. कतार एअरवेज कंपनीचे विमान जगभरात १६० ठिकाणाहून उड्डाण करीत असल्याची माहिती कंपनीचे अधिकारी एहाब अमीन यांनी दिली. ब्रिटिश एअरवेजने 'जानेवारी सेल' सुरू केला आहे. या सेल अंतर्गत १०० ठिकाणी प्रवाशांना पोहोचता येणार आहे. इकॉनॉमी, प्रिमीयम इकॉनॉमी आणि बिझनेस कॅबिन्सच्या तिकिटावर डिस्काउंट ऑफर्स देण्यात आल्या आहेत. लंडनचे रिटर्न तिकीट ४३ हजार ७७९ रुपये इतके ठेवण्यात आले आहे. ही ऑफर ३१ जानेवारीपर्यंत आहे. अबू धाबीच्या एतिहाद एअरवेजनेही ग्लोबल सेल सुरू केला आहे.

भारतातून अबू धाबी, अमेरिका, युरोप, कॅनडा, ऑस्ट्रेलिया आणि आफ्रिकेला जाणाऱ्या तिकिटावर सुट देण्यात आली आहे. २९ जानेवारी ते २९ मार्च २०१९ या दरम्यान प्रवास करणाऱ्याला इकॉनॉमी क्लासच्या तिकिटांवर ३५ टक्के, बिझनेस तिकिटावर २० टक्क्यांपर्यंत सूट देण्यात आली आहे. इंडिगो, गो एअर आणि जेट एअरवेज या कंपन्यांनीही तिकिटांवर डिस्काउंट दिला आहे. इंडिगोने ८९९ रुपये ते ३,३९९ रुपये आंतरराष्ट्रीय तिकीटाचा दर ठेवला आहे. ही ऑफर ३१ जानेवारीपर्यंत आहे.

ही बातमी इंग्रजीमध्ये वाचा