मुंबई : गेल्या वर्षी ऑक्टोबरमध्ये झालेल्या विक्रमी पेट्रोलदरवाढीनंतर ऑटोमोबाइलसंबंधी ग्राहकांचा कल बदलल्याचे दिसत आहे. पेट्रोलचे दर आता घटून नियंत्रणात आले असले तरी पेट्रोलच्या तुलनेत डिझेलच्या कारना ग्राहकांनी अधिक पसंती दिली आहे. ऑनलाइन ऑटोमोबाइल व्यवसायातील ड्रूम या कंपनीने २०१८बाबत केलेल्या सर्वेक्षणातून ही बाब स्पष्ट झाली आहे.
कार खरेदी करणाऱ्यांमध्ये डिझेलवरील कारना ५९ टक्के जणांची पसंती लाभली. तर, पेट्रोलवरील कारच्या बाजूने ३९ टक्के खरेदीदार होते, असे या अहवालात म्हटले आहे. गेल्या वर्षी 'मेक इन इंडिया' धोरणाला आणखी पाठिंबा मिळाल्याचे दिसून आले. ३४ टक्के ग्राहकांनी भारतीय बनावटीच्या वाहनांना प्राधान्य दिले. तर, जपानी व दक्षिण कोरीयन वाहन उत्पादकांना अनुक्रमे २१ व १७ टक्के पसंती लाभली.
स्विफ्ट, स्प्लेंडरना पसंती
कारमध्ये मारूती सुझुकीची स्विफ्ट आणि दुचाकीमध्ये हीरो स्प्लेंडर प्लसला सर्वाधिक पसंतीची वाहने म्हणून मान्यता मिळाली. हार्ले डेव्हिडसन स्ट्रीट ७५० आणि बीएमडब्ल्यू ५ सीरिज या सर्वाधिक लोकप्रिय लक्झरी बाइक व कार ठरल्या. गेल्या वर्षी ड्रूमने केलेल्या एकूण विक्रीत कारविक्रीचा वाटा ४२ टक्के तर स्कूटर्सचा वाटा २८ टक्के होता. तसेच, बाइकविक्री व लग्झरी कारविक्रीचे प्रमाण अनुक्रमे २२ व आठ टक्के होते.
वाहनविक्रीत घट
सणासुदीच्या दिवसांत झालेल्या तडाखेबंद विक्रीनंतर ऑटो कंपन्यांनी डीलरना होत असलेल्या पुरवठ्यामध्ये आखडता हात घेतल्याने चालू वर्षाच्या पहिल्याच महिन्यात खासगी वाहनांच्या विक्रीत १.८७ टक्क्यांनी घट नोंदवण्यात आली आहे. खासगी वाहनांच्या विक्रीत सलग तिसऱ्या महिन्यात घट झाली आहे. सोसायटी ऑफ ऑटोमोबाइल मॅन्युफॅक्चरर्सने (सिआम) जाहीर केलेल्या आकडेवारीनुसार जानेवारीमध्ये २,८०,१२५ युनिट कारविक्री झाली. गेल्या वर्षीच्या जानेवारीच्या तुलनेत हे प्रमाण १.८७ टक्क्यांनी कमी आहे. देशांतर्गत कारविक्रीचे प्रमाणही जानेवारीत २.६५ टक्क्यांनी घटले व १,७९,३८९ युनिट कारविक्री झाली. मोटरसायकलच्या विक्रीतही २.५५ टक्क्यांनी घट झाली असून १०,२७,८१० युनिट विकली गेली.
कार खरेदी करणाऱ्यांमध्ये डिझेलवरील कारना ५९ टक्के जणांची पसंती लाभली. तर, पेट्रोलवरील कारच्या बाजूने ३९ टक्के खरेदीदार होते, असे या अहवालात म्हटले आहे. गेल्या वर्षी 'मेक इन इंडिया' धोरणाला आणखी पाठिंबा मिळाल्याचे दिसून आले. ३४ टक्के ग्राहकांनी भारतीय बनावटीच्या वाहनांना प्राधान्य दिले. तर, जपानी व दक्षिण कोरीयन वाहन उत्पादकांना अनुक्रमे २१ व १७ टक्के पसंती लाभली.
स्विफ्ट, स्प्लेंडरना पसंती
कारमध्ये मारूती सुझुकीची स्विफ्ट आणि दुचाकीमध्ये हीरो स्प्लेंडर प्लसला सर्वाधिक पसंतीची वाहने म्हणून मान्यता मिळाली. हार्ले डेव्हिडसन स्ट्रीट ७५० आणि बीएमडब्ल्यू ५ सीरिज या सर्वाधिक लोकप्रिय लक्झरी बाइक व कार ठरल्या. गेल्या वर्षी ड्रूमने केलेल्या एकूण विक्रीत कारविक्रीचा वाटा ४२ टक्के तर स्कूटर्सचा वाटा २८ टक्के होता. तसेच, बाइकविक्री व लग्झरी कारविक्रीचे प्रमाण अनुक्रमे २२ व आठ टक्के होते.
वाहनविक्रीत घट
सणासुदीच्या दिवसांत झालेल्या तडाखेबंद विक्रीनंतर ऑटो कंपन्यांनी डीलरना होत असलेल्या पुरवठ्यामध्ये आखडता हात घेतल्याने चालू वर्षाच्या पहिल्याच महिन्यात खासगी वाहनांच्या विक्रीत १.८७ टक्क्यांनी घट नोंदवण्यात आली आहे. खासगी वाहनांच्या विक्रीत सलग तिसऱ्या महिन्यात घट झाली आहे. सोसायटी ऑफ ऑटोमोबाइल मॅन्युफॅक्चरर्सने (सिआम) जाहीर केलेल्या आकडेवारीनुसार जानेवारीमध्ये २,८०,१२५ युनिट कारविक्री झाली. गेल्या वर्षीच्या जानेवारीच्या तुलनेत हे प्रमाण १.८७ टक्क्यांनी कमी आहे. देशांतर्गत कारविक्रीचे प्रमाणही जानेवारीत २.६५ टक्क्यांनी घटले व १,७९,३८९ युनिट कारविक्री झाली. मोटरसायकलच्या विक्रीतही २.५५ टक्क्यांनी घट झाली असून १०,२७,८१० युनिट विकली गेली.