ई-चार्जिंग स्टेशन नागपुरात

नवी दिल्ली : इंडियन ऑइल कॉर्पोरेशनतर्फे (आयओसी) लवकरच देशातील पहिले इलेक्ट्रिक व्हेइकल चार्जिंग स्टेशन नागपूर येथे उभारण्यात येणार आहे. अशी घोषणा कंपनीतर्फे रविवारी करण्यात आली. ‘आयओसी’ने ‘ओला’शी नुकताच करार केला असून, त्यानुसार देशातील पहिले चार्जिंग स्टेशन नागपुरातील पेट्रोल पंपावर उभारण्यात येणार आहे. इलेक्ट्रिकवर चालणारी वाहने सार्वजनिक वाहतुकीसाठी उपयोगात आणणारे पहिले शहर म्हणून नागपूरची ख्याती आहे. त्यातच पुन्हा आता या वाहनांची बॅटरी चार्ज करण्यासाठी येथे देशातील पहिले चार्जिंग स्टेशन उभारण्यात येणार आहे.

फंडांत ५१ हजार कोटी

नवी दिल्ली ः गुंतवणूकदारांचा म्युच्युअल फंडांवरील विश्वास अढळ असून ऑक्टोबर महिन्यात या गुंतवणूकदारांनी तब्बल ५१ हजार कोटी रुपये या फंडांतून गुंतवले आहेत. सप्टेंबरमध्ये याच गुंतवणूकदारांनी १६ हजार कोटी रुपये म्युच्युअल फंडांतून काढून घेतले होते. यामुळे चालू आर्थिक वर्षाच्या पहिल्या सात महिन्यांत म्युच्युअल फंडांच्याविविध योजनांत एकूण २.५ लाख कोटी रुपयांची गुंतवणूक झाली आहे. इक्विटी व इक्विटीसंलग्न योजनांनी १६ हजार कोटी तर, इन्कन फंडांनी ४० हजार ८४५ कोटी रुपये आकर्षून घेतले आहेत.