रेल्वेचे ई-तिकीट महागणार; सेवा शुक्लाचा भार

नवी दिल्ली : इंडियन रेल्वेज केटरिंग अँड टुरिझम कॉर्पोरेशन (आयआरसीटीसी)च्या वेबसाइटवरून ई तिकीट खरेदी करणे आता महागात पडणार आहे. आज रविवारपासून आयआरटीसीकडून पुन्हा सेवा शुल्क आकारण्यास सुरुवात करण्यात येणार असल्याचे स्पष्ट करण्यात आले आहे. त्याचप्रमाणे या तिकिटावर जीएसटीही स्वतंत्रपणे लागू असेल. तीन वर्षांपूर्वी ऑनलाइन तिकिटे काढण्यास लोकांनी अधिकाधिक प्राधान्य द्यावे, यासाठी आयआरटीसीने सेवा शुल्क आकारणे बंद केले होते. नॉन एसी तिकिटावर २० रुपये, तर एसी तिकिटावर ४० रुपये सेवा शुल्क आकारण्यात येत होते.