Money Making Idea: दरमहा ७५ हजार रुपये कमावण्याची संधी, कसं जाणून घ्या...

नवी दिल्ली: देशातील सर्वात मोठी सरकारी विमा कंपनी, एलआयसी (भारतीय आयुर्विमा महामंडळ), तुम्हाला त्याच्यासोबत काम करण्याची संधी देत आहे. जर तुम्ही १० वी पर्यंतचे शिक्षण पूर्ण केले आहे आणि आतापासूनच कमाई करण्यासाठी इच्छूक असाल तर एलआयसी एजंट, हा तुमच्यासाठी योग्य पर्याय असू सह्कत्तो. विशेष म्हणजे अर्धवेळ एलआयसी एजंट म्हणून काम करतात वेळेची कोणतीही मर्यादा नाही आणि तुम्ही घरी बसल्या तुमच्या क्लायंटशी (ग्राहक) संपर्क साधून काम करू शकता.

यापूर्वी एलआयसीची शैक्षणिक पात्रता १२ वी पास होती मात्र नंतर त्यात संशोधन करून १० वी उत्तीर्ण करण्यात आले. अशा परिस्थितीत आता अधिकाधिक तरुणांना एलआयसीमध्ये सहभागी होण्याची संधी आहे. पण एलआयसी एजंट कसे बनायचे, त्याची प्रक्रिया काय आहे आणि कमाई कशी होईल याबद्दल आता आपण सविस्तरपणे जाणून घेऊया...

भविष्याची चिंता नको! मुलींच्या लग्नखर्चासाठी LIC ची खास योजना, मॅच्युरिटीवर मिळतील लाखो रुपये

पार्ट-टाइम किंवा पूर्ण वेळ कामाचा पर्याय
एलआयसीसोबत काम करण्याचा सर्वात चांगला फायदा म्हणजे तुमच्यावर वेळेचे कोणतेही बंधन असेल. म्हणजे तुमच्या गरजेनुसार तुम्ही पार्ट टाइम किंवा पूर्णवेळ काम करण्याचा पर्याय निवडू शकता. तसेच पैशाची देखील कोणतीही कमी होणार नाही. या कामाचे वैशिष्ट्य म्हणजे तुम्ही जितके जास्त काम कराल तितकं कमिशन तुम्हाला मिळेल, म्हणजेच या व्यवसायातील कमाई अमर्यादित आहे. एलआयसीच्या पॉलिसी विक्रीवरील कमिशन, प्रत्येक पॉलिसीनुसार वेगवेगळे असते.

छोटी बचत मोठा फायदा! LIC च्या या ५ योजनांवर बचतीसह मिळवा अनेक फायदे, चेक करा डिटेल्स

कमावण्याची रणनीती
एलआयसी एजंट म्हणून पैसा कमावण्याबाबतीत बोलायचे तर तुम्ही दिवसातून केवळ ४ ते ५ तास काम करून महिन्याला ७० ते ७५ हजार रुपयांपर्यंत कमाई करू शकता. म्हणजेच LIC सोबत काम करून तुम्ही तुम्हाला अपेक्षित उत्पन्न निश्चित करू शकता. त्याच वेळी, सर्वात महत्त्वाची गोष्ट म्हणजे यासाठी तुम्ही तुमच्या कामाचे तासही स्वतः ठरवू शकता. एलआयसीमध्ये तुम्ही जितके वर्ष काम कराल तितकी तुमची कमाई वाढेल. काही काळानंतर, तुमच्या उत्पन्नाचा सर्वात मोठा भाग जुनी पॉलिसी बनतो. तर पॉलिसींच्या नूतनीकरण यामुळे तुमचे उत्पन्नही वाढते.

महिलांसाठी LIC ची भन्नाट पॉलिसी, रोज ५८ रुपये जमा करून मिळवा लाखो रुपये, 'या' योजनेबद्दल नक्की वाचा

किती कमिशन मिळते?
एलआयसी आपल्या एजंटना पॉलिसीच्या हप्त्यापैकी २५ टक्के पर्यंत म्हणून कमिशन देते. हे फक्त पॉलिसीच्या पहिल्या हप्त्यावर (पहिल्या वर्षाच्या प्रीमियम) लागू होते, त्यानंतर कमिशन कमी होत जाते. पॉलिसीधारक जितके वेळ प्रीमियम भरेल तितके वेळा एजंटला कमिशन मिळेल. सोप्या शब्दात बोलायचे तर एजंटला फक्त एकदाच पॉलिसी करावी आणि त्यानंतर प्रत्येक हप्त्यावर त्यांचे कमिशन ठरलेले असते.

एलआयसी एजंट कसं बनायचं?

• एलआयसी एजंट बनण्यासाठी तुमचे १०वी शिक्षण पूर्ण आणि वय १८ वर्ष असले पाहिजे.
• तुमच्या जवळच्या शाखा कार्यालयाशी संपर्क साधा आणि तेथील विकास अधिकाऱ्याला भेट द्या.
• शाखा व्यवस्थापक मुलाखत घेईल आणि तुम्ही पात्र ठरल्यास तुम्हाला प्रशिक्षणासाठी विभाग/एजन्सी प्रशिक्षण केंद्रात पाठवले जाईल.
• प्रशिक्षण २५ तासांचे असेल, ज्यामध्ये जीवन विमा व्यवसायाच्या सर्व पैलूंचा समावेश होतो.
• प्रशिक्षण यशस्वीरित्या पूर्ण केल्यावर IRDAI द्वारे घेण्यात येणारी भरतीपूर्व चाचणी उत्तीर्णकरणे आवश्यक आहे.
• परीक्षा उत्तीर्ण केल्यांनतर विमा एजंटचे नियुक्ती पत्र आणि ओळखपत्र दिले जाईल.
• तुम्हाला शाखेच्या वतीने एजंट म्हणून नियुक्त केले आहे.
• या दरम्यान तुम्हाला तुमच्या विकास अधिकार्‍याच्या अंतर्गत असलेल्या टीमचा भाग बनवले जाईल.