वृत्तसंस्था, नवी दिल्ली
'एम्प्लॉइज प्रॉव्हिडण्ट फण्ड ऑर्गनायझेशन'च्या (ईपीएफओ) ताज्या आकडेवारीनुसार मार्च २०१९मध्ये संघटित क्षेत्रात ८.१४ लाख जणांना नोकरीच्या संधी प्राप्त झाल्या आहेत. फेब्रुवारी २०१९मध्ये ७.८८ लाख नव्या नोकऱ्या मिळाल्या होत्या. आर्थिक वर्ष २०१८-१९मध्ये देशभरात एकूण ६७.५९ लाख जणांना नव्या नोकऱ्या मिळाल्याचे 'ईपीएफओ'च्या आकडेवारीतून समोर आले होते.
'ईपीएफओ' तर्फे एप्रिल २०१८पासून दरमहा नव्या रोजगारांची आकडेवारी जारी करण्यात येत आहे. त्यानुसार सप्टेंबर २०१७पासून मार्च २०१८पर्यंत 'ईपीएफओ'च्या सदस्यसंख्येत १५.५२ लाखांची भर पडली आहे. सप्टेंबर २०१७मध्ये सर्वाधिक सदस्यांची भर पडली. मार्च २०१९मध्ये मिळालेल्या एकूण नोकऱ्यांमध्ये २२ ते २५ या वयोगटातील नोकऱ्यांचे प्रमाण अधिक आहे. या वयोगटातील तरुणांना २.२५ लाख रोजगार मिळाले. त्यापाठोपाठ १८ ते २१ या वयोगटातील तरुणांना सर्वाधिक रोजगार मिळाले. जानेवारी २०१९मध्ये ८.९४ लाख जणांना रोजगारांच्या संधी प्राप्त झाल्या. एप्रिल २०१९मध्ये जारी करण्यात आलेल्या मार्च २०१८च्या आकडेवारीमध्ये मोठ्या प्रमाणात बदल करण्यात आले. एकूण नोकऱ्या प्राप्त झालेल्यांच्या संख्येत ५५,९३४ची घट झाल्याचे नोंदविण्यात आले.
'ईपीएफओ'ने नमूद केल्यानुसार ही प्राथमिक आकडेवारी असून, नव्याने रूजू होणाऱ्या आणि नोकऱ्यांवरून कमी होणाऱ्या कर्मचाऱ्यांची माहिती अपडेट करणे ही नित्य प्रक्रिया आहे. 'ईपीएफओ'तर्फे संघटित क्षेत्रातील कर्मचाऱ्यांच्या भविष्यनिर्वाह निधीचे व्यवस्थापन केले जाते. देशभरात 'ईपीएफओ'चे सहा कोटी सदस्य आहेत.
'एम्प्लॉइज प्रॉव्हिडण्ट फण्ड ऑर्गनायझेशन'च्या (ईपीएफओ) ताज्या आकडेवारीनुसार मार्च २०१९मध्ये संघटित क्षेत्रात ८.१४ लाख जणांना नोकरीच्या संधी प्राप्त झाल्या आहेत. फेब्रुवारी २०१९मध्ये ७.८८ लाख नव्या नोकऱ्या मिळाल्या होत्या. आर्थिक वर्ष २०१८-१९मध्ये देशभरात एकूण ६७.५९ लाख जणांना नव्या नोकऱ्या मिळाल्याचे 'ईपीएफओ'च्या आकडेवारीतून समोर आले होते.
'ईपीएफओ' तर्फे एप्रिल २०१८पासून दरमहा नव्या रोजगारांची आकडेवारी जारी करण्यात येत आहे. त्यानुसार सप्टेंबर २०१७पासून मार्च २०१८पर्यंत 'ईपीएफओ'च्या सदस्यसंख्येत १५.५२ लाखांची भर पडली आहे. सप्टेंबर २०१७मध्ये सर्वाधिक सदस्यांची भर पडली. मार्च २०१९मध्ये मिळालेल्या एकूण नोकऱ्यांमध्ये २२ ते २५ या वयोगटातील नोकऱ्यांचे प्रमाण अधिक आहे. या वयोगटातील तरुणांना २.२५ लाख रोजगार मिळाले. त्यापाठोपाठ १८ ते २१ या वयोगटातील तरुणांना सर्वाधिक रोजगार मिळाले. जानेवारी २०१९मध्ये ८.९४ लाख जणांना रोजगारांच्या संधी प्राप्त झाल्या. एप्रिल २०१९मध्ये जारी करण्यात आलेल्या मार्च २०१८च्या आकडेवारीमध्ये मोठ्या प्रमाणात बदल करण्यात आले. एकूण नोकऱ्या प्राप्त झालेल्यांच्या संख्येत ५५,९३४ची घट झाल्याचे नोंदविण्यात आले.
'ईपीएफओ'ने नमूद केल्यानुसार ही प्राथमिक आकडेवारी असून, नव्याने रूजू होणाऱ्या आणि नोकऱ्यांवरून कमी होणाऱ्या कर्मचाऱ्यांची माहिती अपडेट करणे ही नित्य प्रक्रिया आहे. 'ईपीएफओ'तर्फे संघटित क्षेत्रातील कर्मचाऱ्यांच्या भविष्यनिर्वाह निधीचे व्यवस्थापन केले जाते. देशभरात 'ईपीएफओ'चे सहा कोटी सदस्य आहेत.