भविष्य निर्वाह निधीवर ८.६५ टक्के व्याज

मटा ऑनलाइन वृत्त । नवी दिल्ली

२०१६-१७ वर्षासाठी भविष्य निर्वाह निधीचा व्याजदर ८.६५ टक्के इतका मिळणार आहे. केंद्रीय कामगार मंत्री बंडारू दत्तात्रेय यांनी गुरुवाती ही घोषणा केली. कर्मचारी भविष्य निर्वाह निधी संघटनेच्या डिसेंबर महिन्यात झालेल्या बैठकीनुसार हा निर्णय घेण्यात आल्याचे त्यांनी सांगितले.

केंद्रीय अर्थमंत्रालयाने भविष्य निर्वाह निधीवरील व्याजाचा दर अर्धा टक्क्यांनी कमी करण्याची सूचना केली होती. मात्र संघटनेने व्याज दरात कोणतीही कपात न करण्याचा निर्णय घेतल्याचे दत्तात्रेय यांनी सांगितले. सीबीटीने व्याज दर ८.६५ टक्के देण्याचा निर्णय घेतला आहे. यासंदर्भात कामगार मंत्रालयाने अर्थ मंत्रालयासोबत चर्चा केल्याचे ते म्हणाले.

कर्मचाऱ्यांना ८.६५ टक्के व्याज देण्यासंदर्भात अर्थमंत्रालयाची चर्चा करणार असल्याचे दत्तात्रेय यांनी सांगितले. देशातील चार कोटी कर्मचाऱ्यांना कोणत्याही परिस्थितीत कर्मचाऱ्यांना हा व्याज दर मिळणार असल्याचे ते म्हणाले. अर्थात हा दर कधी व कसा दिला जाईल याबाबत अद्याप प्रश्नचिन्ह असल्याचे ते म्हणाले.