EPFO गुंतवणूकदारांसाठी गुड न्यूज! नोकरदारांना अडचणीच्या काळात मिळणार दिलासा, वाचा सविस्तर

नवी दिल्ली: नोकरदारांच्या पगाराचा काही भाग पीएफ फंडामध्ये बचत म्हणून जमा केला जातो. फंडातील जमा रकमेवर सरकारकडून ठराविक व्याज दिले जाते, ज्याचा फायदा कर्मचारी वर्गाला सेवानिवृत्तीनंतर होतो. नवीन आर्थिक वर्षासाठी देखील सरकारने पीएफमध्ये जमा केलेल्या रकमेवर व्याज निश्चित केलं आहे. मात्र, बँक खात्याप्रमाणे तुम्ही पीएफ खात्यातून पैसे काढू शकत नाही. मात्र, EPFO काही अटींसह पीएफ खात्यातून पैसे काढण्याची संधी देते. विशेष म्हणजे अवघ्या ७२ तासात घरबसल्या पैसे तुमच्या खात्यातून काढू शकतात.

आता घरबसल्या तपासा EPF खात्यातील रक्कम, ई-पासबुक सुविधा सुरु; पाहा खात्यातील शिल्लक कसे तपासायचे

कर्मचारी भविष्य निर्वाह निधी (ईपीएफओ) आपल्या कर्मचार्‍यांना एक मोठी सुविधा देते, ज्या अंतर्गत ते नोकरीत असतानाही आपल्या पीएफ खात्यातून पैसे काढू शकतात. याला आगाऊ (ॲडव्हान्स) पीएफ काढणे म्हणतात. त्याची पद्धत अगदी सोपी आहे. हे काम तुम्ही घरी बसून करू शकता, त्यासाठी तुम्हाला ईपीएफओ सदस्य पोर्टलवर जावे लागेल.

पेन्शनधारकांनो, इकडे लक्ष द्या! आता जीवन प्रमाणपत्र मिळेल अगदी सहज; EPFO ने सूचवल्या सोप्या पद्धती

ईपीएफओने कोविड काळात नोकरदारांना पीएफ खात्यातून ॲडव्हान्स पैसे काढण्याची सुविधा दिली होती. यामध्ये ७२ तासांच्या आत तुम्ही पैसे काढू शकतात. चला तर मग त्याची प्रक्रिया सविस्तर जाणून घेऊया. अडचणीच्या परिस्थिती तुम्हालाही पैशाची गरज भासली तर तुम्ही पीएफ खात्यातून आगाऊ पैसा काढू शकता.

नोकरदारवर्गाला मोठा धक्का; हजारो पेन्शनधारकांवर टांगती तलवार, वाचा काय घडलं

• पीएफ खात्यातून आगाऊ पैसे काढण्यासाठी तुम्ही ईपीएफओची अधिकृत वेबसाइट unifiedportal-mem.epfindia.gov.in/memberinterface ला भेट द्या.
• आता तुमचा UAN नंबर, पासवर्ड आणि कॅप्चा कोड टाकून लॉग इन करा
• त्यानंतर 'ऑनलाइन सेवा फॉर्म ३१, १९, १०सी आणि १०डी' या पर्यायावर क्लिक करा.
• आता तुमच्या पीएफ खात्याशी लिंक बँक खात्याचा खाते क्रमांक टाकून त्याची पडताळणी करा.
• त्यानंतर 'सर्टिफिकेट ऑफ अंडरटेकिंग' वर क्लिक करा आणि 'ऑनलाइन दाव्यासाठी पुढे जा' निवडा.
• त्यानंतर 'कोविड ॲडव्हान्स' हा पर्याय निवडा आणि तुमचा पूर्ण पत्ता भरा
• आता पासबुक किंवा चेकबुकची स्कॅन केलेली प्रत संलग्न करा आणि नियम व अटींवर क्लिक करा आणि मोबाइल नंबरवर प्राप्त झालेला ओटीपी प्रविष्ट करा आणि सबमिट वर क्लिक करा.
• ओटीपी प्रविष्ट केल्यानंतर, तुमचा दावा सबमिट केला जाईल. सर्वकाही बरोबर आढळल्यास पीएफचे पैसे तुमच्या बँक खात्यात हस्तांतरित केले जातील.