एका वर्षात ५६२ कोटींचा काळा पैसा उजेडात

मटा ऑनलाइन वृत्त । नवी दिल्ली

बनावट नोटा, संशयास्पद आर्थिक व्यवहार आणि परदेशी फंड ट्रान्सफरच्या प्रकरणांचा गेल्या वर्षात मोठ्या संख्येने छडा लागला आहे. परिणामी तब्बल ५६० कोटी रुपयांचा काळा पैसा उजेडात आला आहे, अशी माहिती एका सरकारी अहवालात आहे. केंद्रीय अर्थमंत्रालयांतर्गत येणाऱ्या फायनान्शिअल इंटेलिजन्स युनीट (FIU)चा हा अहवाल आहे.

मागील आर्थिक वर्षात रोख व्यवहार १.६ कोटी रुपयांवर गेले आहेत. त्याआधीच्या वर्षात ते ८० लाख होते. संशयास्पद व्यवहारांच्या नोंदी २०१५-१६ या वर्षांत १,०५,९७३ आहेत, त्याआधीच्या वर्षात त्या ५८,६४६ होत्या. आर्थिक गैरव्यवहार प्रतिबंधक कायदा (PMLA) अंतर्गत, भारतीय बँका आणि अन्य वित्त संस्थामधील संशयास्पद व्यवहारांची छाननी करण्याचं काम या संस्थेला देण्यात आलं होतं.