८-१० बँकाच राहणार

नवी दिल्ली: सरकारी क्षेत्रातील २७ बँकांचे एकत्रिकरण करण्यासाठी सरकार प्रयत्नशील असून या विलिनीकरणानंतर देशात ८ ते १० सरकारी बँका राहतील, असे केंद्रीय अर्थ राज्यमंत्री जयंत सिन्हा यांनी स्पष्ट केले. बंगळुरू येथे एका परिषदेत ते बोलत होते. या ८ ते १० बँकांपैकी काही बँका जागतिक स्तरावरील मोठ्या बँका म्हणून कार्यरत होतील, असा विश्वासही सिन्हा यांनी व्यक्त केला.

करविषयक परिषद

मुंबई: आंतरराष्ट्रीय कर व ट्रान्स्फर प्रायसिंग या विषयांवर येथे अखिल भारतीय स्तरावरील आयकर अधिकारी परिषद नुकतीच झाली. आयकर विभागाची कार्यक्षमता, कारभारातील पारदर्शकता आणि कर प्रशासनातील स्थिरता या विषयांवर परिषदेत चर्चा झाली. आंतरराष्ट्रीय करप्रणाली आणि ट्रान्स्फर प्रायसिंग प्रशासन यावरही ऊहापोह झाला. परिषदेला आयकराचे वरिष्ठ अधिकारी मोठ्या संख्येने उपस्थित होते.