वृत्तसंस्था, नवी दिल्ली
केंद्र सरकारने आर्थिक सुधारणांसाठी उचललेली पावले आणि विदेशी गुंतवणुकीला दिलेले प्रोत्साहन या पार्श्वभूमीवर २०१६-१७ या आर्थिक वर्षात देशातील थेट परदेशी गुंतवणूक (एफडीआय) ३८ अब्ज डॉलरवर जाण्याची शक्यता आहे.
‘२०१५-१६मध्ये देशातील परदेशी गुंतवणूक ३६ अब्ज डॉलर इतकी होती, तर २०१४-१५मध्ये हीच गुंतवणूक ३१ अब्ज डॉलरवर स्थिरावली होती,’ असे कोटक इन्स्टिट्यूशनल इक्विटिजच्या अहवालात नमूद करण्यात आले आहे. केंद्र सरकारने आर्थिक क्षेत्रात आरंभलेल्या सुधारणा आणि विदेशी उद्योगांना दिलेले प्राधान्य यांमुळे थेट परकी गुंतवणुकीत वाढ होत असल्याचे या अहवालात नमूद करण्यात आले आहे. चालू आर्थिक वर्षाच्या अखेरीस ‘एफडीआय’मध्ये देशाचे स्थान आशियाई देशांच्या तुलनेत वरचे असेल, असेही अहवालात नमूद करण्यात आले आहे. वाढते ‘एफडीआय’चे प्रमाण चांगले लक्षण असल्याचेह अहवालात म्हटले आहे. आगामी दोन ते तीन वर्षांत ‘फॉक्सकॉन’तर्फे पाच अब्ज डॉलरची गुंतवणूक करण्यात येणार आहे. या शिवाय जीई आणि अल्स्टॉम यांनी रेल्वेशी ५.९ अब्ज डॉलरचा करार केला आहे. या करारातून रेल्वेमध्ये मोठ्या प्रमाणावर पायाभूत सुविधांची उभारणी केली जाणार आहे.
‘गेल्या वर्षीच्या तुलनेत यंदा परकी गुंतवणुकीमध्ये साडेचार टक्क्यांची वाढ होण्याची शक्यता आहे. आशियाई देशांमध्ये परकी गुंतवणूकदारांची सर्वाधिक पसंती भारताला आहे,’ असेही या अहवालात स्पष्ट करण्यात आले आहे
केंद्र सरकारने आर्थिक सुधारणांसाठी उचललेली पावले आणि विदेशी गुंतवणुकीला दिलेले प्रोत्साहन या पार्श्वभूमीवर २०१६-१७ या आर्थिक वर्षात देशातील थेट परदेशी गुंतवणूक (एफडीआय) ३८ अब्ज डॉलरवर जाण्याची शक्यता आहे.
‘२०१५-१६मध्ये देशातील परदेशी गुंतवणूक ३६ अब्ज डॉलर इतकी होती, तर २०१४-१५मध्ये हीच गुंतवणूक ३१ अब्ज डॉलरवर स्थिरावली होती,’ असे कोटक इन्स्टिट्यूशनल इक्विटिजच्या अहवालात नमूद करण्यात आले आहे. केंद्र सरकारने आर्थिक क्षेत्रात आरंभलेल्या सुधारणा आणि विदेशी उद्योगांना दिलेले प्राधान्य यांमुळे थेट परकी गुंतवणुकीत वाढ होत असल्याचे या अहवालात नमूद करण्यात आले आहे. चालू आर्थिक वर्षाच्या अखेरीस ‘एफडीआय’मध्ये देशाचे स्थान आशियाई देशांच्या तुलनेत वरचे असेल, असेही अहवालात नमूद करण्यात आले आहे. वाढते ‘एफडीआय’चे प्रमाण चांगले लक्षण असल्याचेह अहवालात म्हटले आहे. आगामी दोन ते तीन वर्षांत ‘फॉक्सकॉन’तर्फे पाच अब्ज डॉलरची गुंतवणूक करण्यात येणार आहे. या शिवाय जीई आणि अल्स्टॉम यांनी रेल्वेशी ५.९ अब्ज डॉलरचा करार केला आहे. या करारातून रेल्वेमध्ये मोठ्या प्रमाणावर पायाभूत सुविधांची उभारणी केली जाणार आहे.
‘गेल्या वर्षीच्या तुलनेत यंदा परकी गुंतवणुकीमध्ये साडेचार टक्क्यांची वाढ होण्याची शक्यता आहे. आशियाई देशांमध्ये परकी गुंतवणूकदारांची सर्वाधिक पसंती भारताला आहे,’ असेही या अहवालात स्पष्ट करण्यात आले आहे