करदात्यांना दिलासा ; रिफंड तातडीने मिळणार

नवी दिल्ली : कर परताव्याची प्रतीक्षा करणाऱ्या छोट्या करदात्यांसाठी सरकारने महत्वाचा निर्णय घेतला आहे. केंद्रीय अर्थ मंत्रालयाने पाच लाख रुपयांपर्यंतचे आयकर परतावे (इन्कम टॅक्स रिफंड) तातडीने देण्याचे निर्देश कर मंडळाला दिले आहेत. एकूण १८ हजार कोटींचा परतावा आयकर विभागाकडून करदात्यांना दिला जाणार आहे.

करोना:वैद्यकीय उपकरणांवरील शुल्क रद्द

अर्थ मंत्रालयाने वस्तू आणि सेवाकर (जीएसटी) आणि कस्टमच्या करदात्यांचा कर परतावा देण्याचे आदेशही दिले आहेत. यामुळे एक लाख व्यावसायिक आणि सुक्ष्म, लघु, मध्यम (एमएसएमई) दिलासा मिळणार आहे. वैयक्तिक करदाते आणि व्यावसायिकांना एकूण १८ हजार कोटींचा कर परतावा दिला जाणार आहे.

'इक्विटी फंडां'वर गुंतवणूकदारांचा विश्वास कायम

करदात्यांना आयकर परताव्याची ताजी स्थिती जाणून घेता येणार आहे. प्राप्तिकर ई-फाइलिंग पोर्टल किंवा 'एनएसडीएल'च्या संकेतस्थळावर करदात्यांना पॅन क्रमांक आणि मूल्यांकन वर्ष भरून माहिती मिळवता येईल. देशात करोना व्हायरसचा प्रभाव वाढत आहे. या संकटकाळात केंद्र सरकारने कर परतावे तातडीने देऊन सामान्य करदाते आणि व्यावसायिकांना दिलासा दिला आहे. केंद्र सरकारच्या निर्णयामुळे सुमारे १४ लाख करदात्यांना फायदा होणार आहे.