वृत्तसंस्था, मुंबई
पेट्रेल व डिझेलच्या दरांत मंगळवारी सलग पाचव्या दिवशी कपात करण्यात आली. पेट्रोलच्या किंमतीत प्रतिलिटर १० तर, डिझेलच्या किंमतीत प्रतिलिटर ८ पैशांनी कपात झाली. यामुळे मुंबईत पेट्रोल व डिझेलचे नवे दर अनुक्रमे ८६.८१ व ७८.४६ नोंदवले गेले. नवी दिल्लीत हेच दर अनुक्रमे ८१.३४ व ७४.८५पर्यंत घटले. गेल्या पाच दिवसांत पेट्रोलच्या किंमतीत एकूण १.४८ रुपयांनी तर, डिझेलच्या किंमतीत एकूण ८९ पैशांनी कपात करण्यात आली आहे. इंधनाच्या उत्पादनावरील खर्चात घट झाल्याने ही कपात होत असल्याचे सरकारी इंधन कंपन्यांनी म्हटले आहे.
रुपया स्थिर
कच्च्या तेलाच्या किंमतीत झालेली घट व बँकांकडून झालेल्या जोरदार डॉलरविक्रीमुळे रुपया स्थिरावला आहे. अमेरिकी डॉलरच्या तुलनेत रुपयाने ७३.५७ असा दर नोंदविला. सोमवारच्या तुलनेत रुपयाच्या मूल्यात एका पैशाने घसरण झाली.