घरून काम करणाऱ्या कर्मचाऱ्यांना फर्निचर आणि अन्य उपकरणांची आवश्यकता भासण्याची शक्यता आहे. त्यामुळे ती आवश्यक उपकरणे खरेदी करण्यासाठी गुगलकडून ही रक्कम संबंधित कर्मचाऱ्यांना देण्यात येणार आहे. गुगलने आपल्या कर्मचाऱ्यांना जुलैपासून ऑफिसला बोलाविण्याचे निश्चित केले आहे. कंपनीचे सीईओ सुंदर पिचाई यांनी दिलेल्या माहितीनुसार यंदा एकूण कर्मचाऱ्यांपैकी फारच थोड्या कर्मचाऱ्यांना ऑफिसमध्ये कामाला बोलाविण्यात येणार आहे. बहुतांश कर्मचारी घरी बसूनच काम करणार आहेत. ज्या लोकांना ऑफिसला जाण्याशिवाय पर्यायच नाही, त्यांनाच बोलाविण्यात येणार आहे. ऑफिसमध्येही काम करताना सुरक्षित वावराचे भान राखावे लागणार असल्याचेही पिचाई यांनी नमूद केले. कंपनीतर्फे प्रकाशित करण्यात आलेल्या निवेदनानुसार ६ जुलैला विविध शहरांमध्ये १० टक्के कर्मचाऱ्यांसह कामाची सुरुवात होईल. सर्व परिस्थिती नियंत्रणात आली तर, सप्टेंबरपर्यंत ३० टक्के मनुष्यबळासह काम सुरू करण्यात येईल, असे त्यात नमूद करण्यात आले आहे.
घरून काम करणाऱ्या कर्मचाऱ्यांना फर्निचर आणि
घरून काम करणाऱ्या कर्मचाऱ्यांना फर्निचर आणि अन्य उपकरणांची आवश्यकता भासण्याची शक्यता आहे...
महाराष्ट्र टाइम्स.कॉम 28 May 2020, 4:00 am