पॅनऐवजी आधार नंबर दिल्यास १० हजार ₹ दंड

नवी दिल्लीः आयकर परतावा (इन्कम टॅक्स रिटर्न) भरताना जर आधार नंबरच्या जागी पॅन नंबरचा वापर केला तर ते आता चांगलेच महागात पडू शकते. केंद्रीय अर्थ मंत्रालयाने पॅन-आधार इंटरचेंजिबिलिटी संबंधित नियमांना अधिकृत केले आहे. आयकर परतावा भरताना चुकून आधारच्या जागी पॅन नंबर टाकला तर आयकर विभाग दहा हजार रुपये दंड आकारणार आहे. तसेच फॉर्म भरताना तुम्ही जितक्या वेळी चुका केल्या असतील तितक्या वेळी तुम्हाला १० हजार रुपयांप्रमाणे दंड भरावा लागणार आहे. दहावेळी चुका केल्यास १ लाख रुपये दंड भरावा लागणार आहे.

आयकर परतावा भरताना जर पाच जागांवर आधार नंबर चुकीचा दिल्यास १० हजार रुपये दंडाप्रमाणे तुम्हाला ५० हजारांचा दंड भरावा लागणार आहे. कलम २७२ बी मध्ये संशोधन केले आहे. केंद्र सरकारने बजेट २०१९ मध्ये आयकर अधिनियमच्या सेक्शन २७२ बी मध्ये संशोधन केल्याने चुकीला आता माफी राहिली नाही. जर एखाद्या व्यक्तीने चुकून पॅन नंबर किंवा आधार नंबर चुकीचा भरल्यास त्याला १० हजार रुपयांचा दंड भरावा लागणार आहे. डॉक्युमेंट्स सेक्शन १३९ ए च्या उप सेक्शन अंतर्गत ६ए मध्ये करदात्याला पॅन किंवा आधार नंबर देणे आवश्यक आहे. जर या ठिकाणी नंबर चुकीचा दिल्यास त्याला १० हजार रुपये दंड बसू शकतो. जितक्या वेळी तो ही चुकी करेल तितक्या वेळी त्याला १० हजार रुपयांप्रमाणे दंड भरावा लागणार आहे.

आयकर अधिनियमच्या सेक्शन २७२ बी अनुसार कोणत्याही व्यक्तीला कलम १३९ (५) (सी) अंतर्गत कोणत्याही डॉक्युमेंटमध्ये व्यक्तीला पॅन किंवा आधार नंबर देणे आवश्यक आहे. जर अशावेळी चुकीचा पॅन किंवा आधार नंबर दिल्यास त्या व्यक्तीला आयकर विभागातील अधिकारी १० हजार रुपये दंड लावू शकतो, या सेक्शनमध्ये प्रत्येक शब्द जोडला असल्याने जितक्या वेळी या चुका केल्या जातील तितक्या वेळी दंड वाढला जाणार आहे, अशी माहिती चार्टर्ड अकाउंटट नवीन वाधवा यांनी दिली आहे. त्यामुळे चुका टाळण्यासाठी खबरदारी घेणे महत्त्वाचे आहे. आधार नंबर किंवा पॅन नंबरची माहिती देत असताना ती पुन्हा एकदा तपासून पाहणे गरजेचे आहे, असे वाधवा म्हणाले.


सोन्याची तेजी कायम! 'इतक्या' रुपयांनी महागले

शेअर बाजार: सेन्सेक्स १७५ अंकांनी वधारला