सोने पुन्हा घसरले

मुंबई: येथील सराफा बाजारात मंगळवारी सोने प्रति १० ग्रॅम १३५ रुपयांनी घसरले. दिवसअखेर स्टँडर्ड सोन्याचा भाव २८४०० तर शुद्ध सोन्याचा भाव २८५५० रुपये राहिला. चांदीच्या किंमतीही किलोमागे ९० रुपयांची घसरण होत चांदी ३६६४० रुपयांवर स्थिरावली.

सराफांकडून सोन्याची मागणी कमी झाल्यामुळे सोन्याचा भाव खाली आला. उद्योगजगताकडून चांदीची मागणीही कमी झालेली दिसली. जागतिक बाजारात सोन्याच्या भावात किंचित वाढ झाल्याचे दिसून आले.