गोल्ड ईटीएफमधून ५०० कोटी बाहेर

नवी दिल्ली ः गोल्ड ईटीएफला गुंतवणूकदारांचा विश्वास संपादन करण्यात सातत्याने अपयश येत आहे. यावर्षी एप्रिल ते नोव्हेंबर या काळात गोल्ड ईटीएफमधून गुंतवणूकदारांनी ५०० कोटी रुपयांपेक्षा अधिक रक्कम काढून घेतली आहे. ही माहिती म्युच्युअल फंडांची मध्यवर्ती संघटना असलेल्या ‘अॅम्फी’ने दिली आहे.

गेल्या चार आर्थिक वर्षांपासून गोल्ड ईटीएफला संमिश्र प्रतिसाद मिळत आहे. २०१६-१७मध्ये या ईटीएफमधून ७७५ कोटी, २०१५-१६मध्ये ९०३ कोटी, २०१४-१५मध्ये १४७५ कोटी तर त्यापूर्वी २०१३-१४मध्ये २२९३ कोटी रुपये गुंतवणूकदारांनी काढून घेतले होते.