सणासुदीला सुवर्ण झळाळी कायम, चांदीही चकाकली; जाणून घ्या आजचा भाव किती

मुंबई : सणासुदीच्या काळात देशात सोन्या-चांदीची मागणी वाढत असताना सराफा बाजारातही सतत चढ-उतार दिसून येत आहेत. देशांतर्गत वायदे बाजारात आज सोन्याची किंमत ४९,९०० रुपयांच्या आसपास होती. सकाळच्या व्यवहात सोने ५० हजाराच्याही पुढे गेले होते. त्याचबरोबर आज चांदीचीही चांगलीच धार होती.

फेस्टिव्हल धमाका! सणासुदीच्या काळात बँकांची ऑफर; EMI, कार्ड पेमेंटवर भरघोस सूट आणि कॅशबॅक
सकाळी सोन्याचे दर १६३ रुपयांनी वाढून ४९,९१३ रुपये प्रति १० ग्रॅमवर व्यवहार करत होता. काल (२८ सप्टेंबर) सोन्याचा व्यवहार ४९,७५० रुपयांवर बंद झाला. या दरम्यान चांदीचा दर २०४ रुपयांनी वाढून ५६,३२४ रुपये प्रति किलोवर व्यवहार करत होता. काल चांदीचा व्यवहार ५६,५२८ रुपयांवर बंद झाला.

आजपासून देशभरात महत्त्वाचे नियम बदलणार, तुमच्यावर होणार थेट परिणाम, एका क्लिकवर जाणून घ्या
मुंबईतील सोने चांदीचे दर
देशात सणासुदीच्या दिवसांमध्ये सोन्याच्या दागिन्यांना चांगली मागणी असते. तसेच शुभ मुहूर्तावर सोने - चांदीत गुंतवणूकदेखील केली जाते. त्यामुळे सध्या सराफा बाजारात सोने-चांदी खरेदी विक्रीसाठी ग्राहकांची चांगलीच गर्दी दिसून येत आहे. मुंबईतील सराफा बाजारात आज २४ कॅरेट सोन्याची किंमत ५०६२० रुपये प्रति तोळे तर चांदीची किंमत ५६,४०० प्रति तोळे इतकी आहे.

गोल्ड-सिल्वर हॉलमार्किंग; सोने-चांदीचे दागिने खरेदी करणे आणखी महागले, जाणून घ्या नवीन दर
जर आपण आंतरराष्ट्रीय बाजारावर नजर टाकली तर, यूएस सोन्याचे फ्युचर्स ३३.९० डॉलरच्या वाढीसह १,६७० डॉलर प्रति औंसवर व्यवहार करत होते. या दरम्यान चांदीचा भाव ०.५४३ डॉलरने वाढून १८.८८ डॉलर प्रति औंस झाला.