मुंबई : करोना विषाणूच्या परिणामांमुळे भांडवली बाजारात सातत्यानं होत असलेली घसरण आणि अनिश्चिततेने सोनं महागण्यास पोषक वातावरण निर्माण झाले आहे. 'करोना'चे दुष्परिणाम, अमेरिकेतील अध्यक्षपदाची निवडणूक आणि इतर घडामोडी पुढील वर्षभरात सोन्याची लकाकी आणखी वाढवतील अशी भाकिते केली जात आहेत. जागतिक बाजारात येत्या वर्षभरात सोने २०० डाॅलर्सने (१४ ते १५ हजार रुपये) वाढून नव्या विक्रमी उच्चांकाला गवसणी घालेल, असा अंदाज एका बड्या वित्तीय संस्थेने व्यक्त केला आहे.
चीनमध्ये 'करोना व्हायरस'चा प्रकोप सुरु झाल्यापासून कमॉडिटी बाजारात मौल्यवान धातू झळाळून निघाले आहेत. सोन्याचा भावात मोठी उसळी दिसून आली असून नुकताच ७ वर्षांचा उच्चांकी स्तर गाठला होता. आर्थिक बाजारपेठांमधील अस्थिरतेने कासावीस झालेल्या गुंतवणूकदारांनी पुन्हा एकदा सुरक्षित गुंतवणूक म्हणून सोनं खरेदीला प्राधान्य दिले आहे. ज्यामुळे सोन्याची मागणी वाढली आहे. या तेजीचा कानोसा घेत जगभरातील सर्वच बड्या बँकांनी सोन्याच्या किंमतींबाबत सकारात्मक अंदाज वर्तवले आहेत.
वाचा :पडझड ; शेअर बाजारात 'करोना' कहर कायम
जगभरातील नावाजलेली वित्तीय संस्था असलेल्या 'गोल्डमन सॅक्स ग्रुप'ने येत्या वर्षभरात सोने २०० डॉलर्सने महागेल, असा अंदाज वर्तवला आहे. 'करोना व्हायरस'चे दुसऱ्या तिमाहीत जागतिक अर्थव्यवस्थेवर परिणाम होणार असून त्यामुळे तिमाही काळात सोने १७०० डॉलरपर्यंत सहज वाढेल, असं या संस्थेच म्हणणे आहे. भारतात सोने ४३ हजारांच्या आसपास आहे. आंतरराष्ट्रीय कमाॅडिटी बाजारात सोने २०० डाॅलरने वाढले तर त्याचे देशात पडसाद उमटतील. पुढील वर्षभरात १४ ते १५ हजारांने महाग होऊन ६० हजारांच्या नजीक पोहचेल.
आंतरराष्ट्रीय कमाॅडिटी बाजारात गुरुवारी सोने दर प्रती औंस १६५१.७० डाॅलर होता. या वर्षात सोने दरात ८ टक्के वाढ झाली आहे. पुढील वर्षभरात सोने २०० डाॅलर्सने वाढून १८०० डाॅलर होईल, असे गोल्डमन सॅक्स ग्रुप म्हटलं आहे. करोनाच्या बळींची वाढती संख्या सोन्यातील तेजीसाठी पोषक आहे. हा मौल्यवान धातू 'जपानी येन' आणि 'स्वीस फ्रॅंक' या चलनांच्या तुलनेत सरस कामगिरी करत असल्याचे 'गोल्डमन सॅक्स'चे विश्लेषक मिखेल स्प्रोगीस यांनी सांगितले. ते म्हणाले की, कमाॅडिटी बाजाराची अशीच परिस्थिती राहिली तर पुढील सहा महिन्यात १७५० डाॅलरपर्यंत वाढू शकते.
कोणाची निवड करू; 'ETF' कि 'FoF's
मागील पाच दिवसांत सोने दरात मोठी वाढ झाली. भारतात मल्टी कमाॅडिटी एक्सचेंजमध्ये सोने ३००० रुपयांनी महागले होते. सोमवारी कमॉडिटी एक्सचेंजमध्ये सोन्याचा भाव ४३०३६ रुपयांपर्यंत गेला होता. तेजीमुळे सराफा बाजारात सोमवारी स्टॅण्डर्ड सोन्याचा भाव १८४० रुपयांनी वाढून १० ग्रॅमसाठी ४३,४१५ रुपये तर शुद्ध सोन्यासाठी १८४८ रुपयांनी वाढून ४३,५९० रुपये झाला होता. चांदीच्या भावातही तब्बल १४३० रुपयांची वाढ झाली होती. चांदीचा भाव किलोमागे ४९,०३५ रुपयांपर्यंत गेला.
आज सोनं महागले
गुंतवणूकदारांनी जोरदार नफावसुली केली. ज्यामुळे MCX वर सोने दरात २४३ रुपयांची वाढ झाली. MCX गुरुवारी सोने दर ४२ हजार ७४५ रुपये झाला आहे. चांदीचा भाव प्रती किलो ५५९ रुपयांनी वाढला ४७१३५ रुपये झाला. मागील दोन सत्रात सोन्यात १७०० रुपयांची घसरण झाली.
चीनमध्ये 'करोना व्हायरस'चा प्रकोप सुरु झाल्यापासून कमॉडिटी बाजारात मौल्यवान धातू झळाळून निघाले आहेत. सोन्याचा भावात मोठी उसळी दिसून आली असून नुकताच ७ वर्षांचा उच्चांकी स्तर गाठला होता. आर्थिक बाजारपेठांमधील अस्थिरतेने कासावीस झालेल्या गुंतवणूकदारांनी पुन्हा एकदा सुरक्षित गुंतवणूक म्हणून सोनं खरेदीला प्राधान्य दिले आहे. ज्यामुळे सोन्याची मागणी वाढली आहे. या तेजीचा कानोसा घेत जगभरातील सर्वच बड्या बँकांनी सोन्याच्या किंमतींबाबत सकारात्मक अंदाज वर्तवले आहेत.
वाचा :पडझड ; शेअर बाजारात 'करोना' कहर कायम
जगभरातील नावाजलेली वित्तीय संस्था असलेल्या 'गोल्डमन सॅक्स ग्रुप'ने येत्या वर्षभरात सोने २०० डॉलर्सने महागेल, असा अंदाज वर्तवला आहे. 'करोना व्हायरस'चे दुसऱ्या तिमाहीत जागतिक अर्थव्यवस्थेवर परिणाम होणार असून त्यामुळे तिमाही काळात सोने १७०० डॉलरपर्यंत सहज वाढेल, असं या संस्थेच म्हणणे आहे. भारतात सोने ४३ हजारांच्या आसपास आहे. आंतरराष्ट्रीय कमाॅडिटी बाजारात सोने २०० डाॅलरने वाढले तर त्याचे देशात पडसाद उमटतील. पुढील वर्षभरात १४ ते १५ हजारांने महाग होऊन ६० हजारांच्या नजीक पोहचेल.
आंतरराष्ट्रीय कमाॅडिटी बाजारात गुरुवारी सोने दर प्रती औंस १६५१.७० डाॅलर होता. या वर्षात सोने दरात ८ टक्के वाढ झाली आहे. पुढील वर्षभरात सोने २०० डाॅलर्सने वाढून १८०० डाॅलर होईल, असे गोल्डमन सॅक्स ग्रुप म्हटलं आहे. करोनाच्या बळींची वाढती संख्या सोन्यातील तेजीसाठी पोषक आहे. हा मौल्यवान धातू 'जपानी येन' आणि 'स्वीस फ्रॅंक' या चलनांच्या तुलनेत सरस कामगिरी करत असल्याचे 'गोल्डमन सॅक्स'चे विश्लेषक मिखेल स्प्रोगीस यांनी सांगितले. ते म्हणाले की, कमाॅडिटी बाजाराची अशीच परिस्थिती राहिली तर पुढील सहा महिन्यात १७५० डाॅलरपर्यंत वाढू शकते.
कोणाची निवड करू; 'ETF' कि 'FoF's
मागील पाच दिवसांत सोने दरात मोठी वाढ झाली. भारतात मल्टी कमाॅडिटी एक्सचेंजमध्ये सोने ३००० रुपयांनी महागले होते. सोमवारी कमॉडिटी एक्सचेंजमध्ये सोन्याचा भाव ४३०३६ रुपयांपर्यंत गेला होता. तेजीमुळे सराफा बाजारात सोमवारी स्टॅण्डर्ड सोन्याचा भाव १८४० रुपयांनी वाढून १० ग्रॅमसाठी ४३,४१५ रुपये तर शुद्ध सोन्यासाठी १८४८ रुपयांनी वाढून ४३,५९० रुपये झाला होता. चांदीच्या भावातही तब्बल १४३० रुपयांची वाढ झाली होती. चांदीचा भाव किलोमागे ४९,०३५ रुपयांपर्यंत गेला.
आज सोनं महागले
गुंतवणूकदारांनी जोरदार नफावसुली केली. ज्यामुळे MCX वर सोने दरात २४३ रुपयांची वाढ झाली. MCX गुरुवारी सोने दर ४२ हजार ७४५ रुपये झाला आहे. चांदीचा भाव प्रती किलो ५५९ रुपयांनी वाढला ४७१३५ रुपये झाला. मागील दोन सत्रात सोन्यात १७०० रुपयांची घसरण झाली.