मुंबई : तोट्यात असणाऱ्या आयडीबीआय बँकेतील सरकारी हिस्सा लवकरच विकण्यात येणार असून, ४० टक्के हिस्सा खरेदीसाठी 'भारतीय आयुर्विमा महामंडळा'ने (एलआयसी) इच्छा व्यक्त केल्याचे वृत्त आहे. हे वृत्त बाजारात थडकल्यानंतर शुक्रवारी बँकेच्या शेअरमध्ये चार टक्क्यांची वाढ झाल्याचे दिसून आले. सरकारी सूत्रांनी दिलेल्या माहितीनुसार या बँकेवर नियंत्रण मिळविण्याइतपत हिस्सा खरेदी करण्यास 'एलआयसी'च्या संचालक मंडळाने मान्यता दिली आहे. 'आयडीबीआय बँके'तील ४० ते ४३ टक्के हिस्साविक्री करून केंद्र सरकारला १० ते ११,००० कोटी रुपये प्राप्त होण्याची शक्यता आहे. सध्या केंद्र सरकारकडे 'आयडीबीआय बँके'चा ८१ टक्के हिस्सा आहे. तो ५० टक्क्यांपेक्षा कमी करण्याची सरकारची योजना आहे. ३१ मार्च २०१८पर्यंत आयडीबीआय बँकेच्या थकीत कर्जांचे प्रमाण २८ टक्के होते.
‘एलआयसी’ घेणार ‘आयडीबीआय’चा हिस्सा?
मुंबई : तोट्यात असणाऱ्या आयडीबीआय बँकेतील सरकारी हिस्सा लवकरच विकण्यात येणार असून, ४० टक्के हिस्सा खरेदीसाठी 'भारतीय आयुर्विमा महामंडळा'ने (एलआयसी) इच्छा व्यक्त केल्याचे वृत्त आहे.
Maharashtra Times 23 Jun 2018, 4:00 am