वृत्तसंस्था, नवी दिल्ली
पुढील आर्थिक वर्षामध्ये सरकारी बँकांचा ईटीएफ (एक्स्चेंज ट्रेडेड फंड) दाखल करण्याचा प्रस्ताव केंद्र सरकारच्या विचाराधीन आहे. पुढील आर्थिक वर्षात सरकारी बँकांच्या इक्विटी भांडवलासंबंधी ईटीएफ खुला करण्याची सरकारची योजना आहे. या बँकांच्या समभागांच्या मूल्यावर आम्ही लक्ष ठेवून आहोत, अशी माहिती एका सरकारी अधिकाऱ्याने दिली. एखाद्या बँकेचा समभाग हा गुंतवणूकदारांसाठी अनाकर्षक असेल मात्र विविध बँकांचे समभाग एकत्र करून बाजारात आणल्यास गुंतवणूकदारांचा निश्चितच चांगला प्रतिसाद मिळू शकेल, असा विश्वास या अधिकाऱ्याने व्यक्त केला.
सरकारने यापूर्वीच भारत २२ व सीपीएसई हे दोन ईटीएफ दाखल केले असून त्यांना चांगला प्रतिसाद मिळाला आहे. या दोन ईटीएफमधून सरकारने अनुक्रमे ३२,९०० कोटी व २८,५०० कोटी रुपयांचे भांडवल उभारले आहे. केंद्र सरकारचे सरकारी बँकांमध्ये किमान ५८ ते कमाल ८७ टक्के भांडवल आहे.
पुढील आर्थिक वर्षामध्ये सरकारी बँकांचा ईटीएफ (एक्स्चेंज ट्रेडेड फंड) दाखल करण्याचा प्रस्ताव केंद्र सरकारच्या विचाराधीन आहे. पुढील आर्थिक वर्षात सरकारी बँकांच्या इक्विटी भांडवलासंबंधी ईटीएफ खुला करण्याची सरकारची योजना आहे. या बँकांच्या समभागांच्या मूल्यावर आम्ही लक्ष ठेवून आहोत, अशी माहिती एका सरकारी अधिकाऱ्याने दिली. एखाद्या बँकेचा समभाग हा गुंतवणूकदारांसाठी अनाकर्षक असेल मात्र विविध बँकांचे समभाग एकत्र करून बाजारात आणल्यास गुंतवणूकदारांचा निश्चितच चांगला प्रतिसाद मिळू शकेल, असा विश्वास या अधिकाऱ्याने व्यक्त केला.
सरकारने यापूर्वीच भारत २२ व सीपीएसई हे दोन ईटीएफ दाखल केले असून त्यांना चांगला प्रतिसाद मिळाला आहे. या दोन ईटीएफमधून सरकारने अनुक्रमे ३२,९०० कोटी व २८,५०० कोटी रुपयांचे भांडवल उभारले आहे. केंद्र सरकारचे सरकारी बँकांमध्ये किमान ५८ ते कमाल ८७ टक्के भांडवल आहे.