जीएसटीचे संकलन घटले

नवी दिल्ली ः जीएसटी नियमित भरणाऱ्या करदात्यांपैकी फेब्रुवारी महिन्यात केवळ ६९ टक्के करदात्यांनीच जीएसटी विवरणपत्रे भरल्यामुळे फेब्रुवारी महिन्यातील जीएसटीचे संकलन घटले आहे. जानेवारी महिन्यात ८६ हजार ३१८ कोटी रुपये जीएसटी सरकारकडे जमा झाला होता. फेब्रुवारीमध्ये ८५ हजार १७४ कोटी रुपये जीएसटी जमा झाला.

फेब्रुवारी महिन्यासाठी २५ मार्चपर्यंत ५९.५१ लाख जीएसटीआर-३बी विवरणपत्रे भरली गेली. यापूर्वी डिसेंबर व नोव्हेंबर २०१७मध्ये अनुक्रमे ८८,९२९ कोटी आणि ८३,७१६ कोटी रुपये जीएसटी संकलन झाले होते. फेब्रुवारी महिन्यातील जीएसटी संकलनामध्ये केंद्रीय जीएसटीच्या रूपाने १४,९४५ कोटी तर राज्य जीएसटीच्या रूपात २०,४५६ कोटी रुपये संकलित झाले. याखेरीज िंटिग्रेटेड जीएसटी म्हणून ४२,४५६ कोटी व नुकसाभरपाई अधिभार म्हणून ७,३१७ कोटी रुपये जमा झाले. २५ मार्चपर्यंत १.०५ कोटी करदात्यांनी जीएसटी अंतर्गत नोंदणी केली आहे.